Стыпендыі для журналістаў на праекты па тэме штучнага інтэлекту (дэдлайн — 12 ліпеня)

Пулітцэраўскі цэнтр прымае заяўкі на стыпендыі для журналістаў, якія працуюць над матэрыяламі, прысвечанымі штучнаму інтэлекту і тэхналогіям назірання, а таксама іх уплыву на грамадства.

Праграма AI Account­abil­i­ty Fel­low­ships падтрымлівае грунтоўныя матэрыялы пра тое, як дзяржаўныя органы і кампаніі выкарыстоўваюць штучны інтэлект і тэхналогіі назірання. Такія расследаванні могуць датычыцца прымянення ШІ ў паліцыі, медыцыне, сацыяльнай падтрымцы, судовай сістэме, пры найме супрацоўнікаў і ў іншых сферах, дзе тэхналогіі ўплываюць на важныя рашэнні, што закранаюць людзей.

Вітаюцца паглыбленыя журналісцкія праекты, якія дакументуюць і тлумачаць магчымасці, шкоду, а таксама праблемы рэгулявання і працы, звязаныя з сістэмамі штучнага інтэлекту. 

Праграма пачынаецца ў верасні 2026 года і доўжыцца 10 месяцаў.

Што прапануюць:

• фінансавая падтрымку да 25 000 долараў ЗША ,
• нэтворкінг,
• ментарства і навучанне для рэалізацыі праекта.

Ад удзельнікаў чакаецца ўдзел у абавязковай штомесячнай сустрэчы працягласцю 1,5–2 гадзіны, удзел як мінімум у адной супольнай сустрэчы падчас стыпендыі і ўзаемадзеянне з іншымі стыпендыятамі ў віртуальных сустрэчах і на спецыяльнай анлайн-платформе супольнасці. Ім таксама рэкамендуецца наведваць штомесячны віртуальны трэнінг.

Хто можа падаць заяўку:

• штатныя журналісты і журналісты-фрылансеры;
• каманды журналістаў;
• кандыдаты могуць знаходзіцца ў любой краіне;
• патрэбна свабоднае валоданне англійскай мовай.

Дэдлайн падачы заявак — 12 ліпеня 2026 года.

Арганізатары рэкамендуюць кандыдатам зарэгістравацца на будучы трэнінг па серыі AI Spot­light або паглядзець відэа.

Дадатковыя пытанні дасылайце на пошту reacheditorial@pulitzercenter.org 

ПАДРАБЯЗНАСЦІ І РЭГІСТРАЦЫЯ