Акцэнты

Нягледзячы на вымушаную эміграцыю, Руслан Кулевіч застаецца гарадзенскім журналістам і працягвае працаваць з вельмі адчувальнай фактурай — гісторыяй роднага горада, якую ён расказвае праз лёс старажылаў. Падчас семінара, арганізаванага Беларускай асацыяцыяй журналістаў, рэпарцёр распавёў, як знаходзіў герояў сваіх артыкулаў, правяраў факты і над чым працуе цяпер.

Радыё Ўнэт: "Яна да дробязей прадумала сваё вяртанне дадому. Ёсць нават план на выпадак, калі муж раптам будзе заняты: тады Марыя Грыц сядзе з дзіцёнкам на ровар і ўсё роўна паедзе ў Беларусь, дзе спачатку абдыме ўсіх родных і суседзей, а потым вернецца ў бацькоўскую хату, насадзіць бульбы і будзе жыць сваё нармальнае жыццё. Яно для Марыі перарвалася падвойнай эміграцыяй: спачатку з маленькай дачушкай яна ўцякала з Беларусі, а пасля − ужо ўсёй сям’ёй, разам з мужам − яны беглі з Украіны. Новым домам для журналісткі, актывісткі і вядучай праграмы «Трэба пагаварыць» стаў Беласток".

DW.by: Улады Беларусі выкарыстоўваюць інтэрнэт-цэнзуру, каб абмежаваць доступ да незалежнай інфармацыі. Адзін з самых небяспечных відаў цэнзуры - адключэнне інтэрнэту, што здарылася ў 2020 годзе. Ці магчымае яго паўтарэнне?