Акцэнты

Выключэнне Белтэлерадыёкампаніі з Еўрапейскага трансляцыйнага звязу практычна цалкам пакінула дзяржаўнае тэлебачанне без міжнароднага спорту. «Белсат разбірае», што цяпер нельга паглядзець на «Беларусь 5».

Трывожны кейс з сайтам KYKY — гэта не выпадковасць. Хутчэй за ўсё праблемы з фінансаваннем у бліжэйшы час адчуюць многія незалежныя медыя. Пасля трох гадоў працы ў выгнанні для беларускіх СМІ надышоў чарговы перыяд турбулентнасці, і ўжо відавочна, што не ўсе мінуць яго паспяхова. Але ці ёсць выйсце?

Еўрапейская камісія заклікала Google, Meta ды іншыя буйныя тэхналагічныя кампаніі дапамагчы незалежным беларускім медыя, прасоўваючы іх кантэнт. Справа ў тым, што пашукавікі спачатку выдаюць карыстальнікам інфармацыю ад дзяржаўных медыя, а, каб знайсці артыкулы незалежных СМІ, беларусам даводзіцца патраціць значна больш часу. Па словах, віцэ-прэзідэнткі Еўрапейскай камісіі Веры Юравай, неабходна зрабіць так, каб у інтэрнэце было больш даступнай аб’ектыўнай інфармацыі, а не прапаганды Мінска або Крамля. Пра тое, з якімі выпрабаваннямі сутыкаюцца беларускія незалежныя медыя ў замежжы і як не стаміць негатыўнай павесткай сваю аўдыторыю, Радыё Ўнэт паразмаўляла з галоўным рэдактарам «Еўрарадыё» Паўлам Свярдловым.

Пісьменнік і журналіст Севярын Квяткоўскі для партала «Наше мнение» разважае над тым, чаму беларускія медыйныя праекты апынаюцца ў ценю расійскіх.