Адкрытая дыскусія «Фатаграфія — гэта праца. Пра каштоўнасць і аплату» (24 студзеня)

Беларуская фатаграфічная платформа ФШ1 ладзіць у Варшаве дыскусію пра ўмовы і аплату працы фатографаў.

Фота: pexels.com

Калі: 24 студзеня 2026 года, 12.00 (працяг — 5 гадзін).

Дзе: Прастора Duży Pokój, Warec­ka 4/6, Warsza­wa (уваход з вул. Kubu­sia Puchat­ka).

РЭГІСТРАЦЫЯ

«Праца фатографа патрэбная для сайтаў, сацыяльных сетак, рэгістрацыі падзей і навін, справаздач, прэзентацый і камунікацыі з аўдыторыяй. Але на практыцы часта бывае незразумела, як менавіта ўлічваць гэтую працу пры планаванні бюджэту: што павінна аплачвацца, як ацэньваць час здымкі, апрацоўку, вопыт і адказнасць фатографа. У выніку фатаграфія нярэдка застаецца «паміж радкоў» у бюджэце», — тлумачаць арганізатары актуальнасць абмеркавання.

Тэмы дыскусіі:

• як сёння аплачваецца праца фатографаў у НДА, СМІ і камерцыйных праектах,
• ці існуюць разумныя мінімальныя арыенціры аплаты за здымку,
• як павысіць разуменне каштоўнасці прафесіі фатографа ў гэтых сферах.

Пасля панэлі адбудзецца адкрытая размова ў невялікіх групах, дзе кожны зможа падзяліцца досведам, назіраннямі і пытаннямі.

Арганізатары просяць перад сустрэчай ЗАПОЎНІЦЬ АНКЕТУ. Менавіта вашы адказы стануць асновай для жывой і прадметнай размовы, а таксама дазволяць сфармаваць агульную карціну сітуацыі ў сферы.