Рэзідэнцыя для культурных журналістаў і крытыкаў у Славеніі (дэдлайн — 28 лютага)

Мастацтвазнаўцы, мастацкія крытыкі і культурныя журналісты могуць падаць заяўку на фінансаваную аднамесячную рэзідэнцыю Crit­ic-in-Res­i­dence 2026 у Любляне ў кастрычніку 2026 года.

Фота: welcome2slovenia.com

Арганізатары праграмы — творчы і рэзідэнцыйны цэнтр MGLC Švi­car­i­ja ў супрацоўніцтве з Асацыяцыяй культуры і тэорыі Ігара Забеля (Любляна, Славенія).

Запрашаюць кандыдатаў, якія публікуюцца міжнародна і працуюць з тэмамі сучаснага мастацтва, гісторыі выставаў і інстытуцый. Прыярытэт — тым, хто працуе з тэмай ролі мастацкіх інстытуцый у крызісных сацыяльна-палітычных умовах або ўключыць у даследаванне падзеі 1996 года ў Любляне.

Тэрмін рэзідэнцыі: 1–31 кастрычніка 2026.

Што прапануюць:

• пражыванне ў студыі ў MGLC Švi­car­i­ja;
• кампенсацыя дарогі: да 500 EUR (Еўропа) / да 900 EUR (паза Еўропай);
• стыпендыя каля 1350 EUR брута за месяц (каля 45 EUR у дзень);
• даследчая, рэдактарская і карэктарская падтрымка.

Па выніках рэзідэнцыі трэба будзе падрыхтаваць мінімум адзін тэкст (эсэ / інтэрв’ю / калонка і інш.) на англійскай мове да 1 снежня 2026 года, які будзе апублікаваны на платформах арганізатараў (магчымасць дадатковай публікацыі вітаецца).

Дэдлайн падачы заявак — 28 лютага 2026 года.

Больш інфармацыі пра праграму — па спасылцы.