Стыпендыяльная праграма імя Кастуся Каліноўскага для беларусаў (дэдлайн — 15 траўня)

У Польшчы для грамадзян Беларусі адкрыты новы набор на стыпендыяльную праграму імя Кастуся Каліноўскага. Заяўкі прымаюцца да 15 мая 2025 года.

Стыпендыяльная праграма Каліноўскага створана польскім урадам у 2006 годзе. Яна прызначана для маладых беларусаў, якія не могуць працягваць навучанне або навуковую дзейнасць на радзіме з‑за палітычных рэпрэсій.

Ад пачатку дзеяння праграма прыняла больш за 2900 беларускіх студэнтаў, у тым ліку амаль 1700 у перыяд з 2020 па 2025 год. Стыпендыяты паступілі ў 83 універсітэты па ўсёй Польшчы.

Хто можа падаць заяўку?

Набор абвешчаны як на праграму вышэйшай адукацыі (уключаючы магістратуру), так і на навуковыя стажыроўкі.

Патрабаванні да кандыдатаў першай ступені (студэнты, магістранты і выпускнікі школ):

• грамадзяне Беларусі, якія не маюць грамадзянства Польшчы або іншай дзяржавы ЕС/EFTA/OECD, а таксама пастаяннага ВНЖ у гэтых краінах, якія па палітычных прычынах не могуць працягнуць навучанне ў Беларусі;
• або выпускнікі ліцэя Якуба Коласа ў Мінску.

Кандыдаты, якія пройдуць адбор, могуць разлічваць на стыпендыю ў 1800 злотых у месяц. Працягласць праграмы — да 5 гадоў (за выключэннем спецыяльнасцей, па якіх тэрмін навучання большы).

Патрабаванні да кандыдатаў другой ступені (маладыя вучоныя):

• беларусы, якія не маюць грамадзянства Польшчы або іншай дзяржавы ЕС/EFTA/OECD, а таксама пастаяннага ВНЖ у гэтых краінах, якія па палітычных прычынах не могуць працягнуць навуковую дзейнасць у Беларусі;
• узрост да 35 гадоў;
• вышэйшая адукацыя (магістратура або яе эквівалент).

Прыярытэт аддаецца кандыдатам з навуковымі дасягненнямі або тым, хто праяўляў актыўнасць у трансфармацыі Беларусі.

Удзельнікі праграмы, якія прайшлі адбор, могуць разлічваць на стыпендыю ў памеры 2700 злотых у месяц. Працягласць праграмы не можа перавышаць 1 год.

Студэнты павінны напісаць выніковую працу (50 старонак) і абараніць яе да чэрвеня 2027 года.

Удельнікі праграмаў першай і другой ступеней, якія не валодаюць польскай мовай, перад пачаткам навучання павінны прайсці курс польскай мовы.

Як падаць заяўку

Заяўкі на стыпендыю прымаюцца да 15 мая 2026 года. Сумоўі праходзяць у чэрвені — ліпені 2026 года. Канчатковае рашэнне па адборы выносіцца да 31 верасня 2026 года (першая ступень) або да 31 ліпеня (другая ступень).

Усе дакументы неабходна дасылаць на е‑адрас bialorus.studium@uw.edu.pl . І запоўніць анкету.

Больш інфармацыі па праграму — ПА СПАСЫЛЦЫ