Рада БНР уганаравала Ордэнам Пагоні публіцыста Віталя Цыганкова

Старшыня Рады БНР Івонка Сурвіла ў Дзень Волі падпісала дэкрэты пра ўзнагароджанні адзнакамі Рады Беларускай Народнай Рэспублікі.

Віталь Цыганкоў. Фота з асабістага архіву

У паведамленні Рады БНР адзначаецца, што публіцыст Віталь Цыганкоў «стаяў ля вытокаў беларускай незалежнай журналістыкі», ягоныя публікацыі «былі прыкметнай з’явай яшчэ ў гады змагання за аднаўленне Незалежнасці ў пачатку 90‑х гадоў ХХ стагоддзя».

Ордэн Пагоні. Фота: Рада БНР

Ордэнамі Пагоні таксама ўзнагароджаныя Валянціна Андрэева, галоўная рэдактарка еўрапейскага беларускага выдавецтва Guten­berg Pub­lish­er, і старшыня Беларускага ПЭНу Таццяна Нядбай.

«Ва ўмовах, калі ціск на нацыянальную культуру, на беларускую мову набыў татальны характар, калі дзясяткі людзей слова за кратамі, вольны кнігадрук і адстойванне права на свабоду выказванняў робяцца аднымі з умоваў выжывання беларусаў як этнасу», — зазначаецца ў паведамленні Рады БНР.