Журналістку і паэтку Валярыну Куставу ўзнагародзілі медалём

Аб’яднаны Пераходны Кабінет Беларусі прыняў рашэнне пра новыя ўзнагароджванні. У пералік лаўрэатаў, ухваленых АПКБ, трапіла вядомая тэлевядоўца, якая атрымала медаль «За плённую працу на карысць Беларусі».

Валярына Кустава. Фота з асабістага архіва

Лаўрэаты намінаваліся грамадскімі арганізацыямі і актывістамі і былі ўхваленыя Камісіяй па ўзнагародах пры АПКБ. Адпаведныя пастановы падпісаны 21 сакавіка кіраўніцай Аб’яднанага Пераходнага Кабінета Беларусі Святланай Ціханоўскай.

Разам з Валярынай куставай медалём «За плённую працу на карысць Беларусі» ушанавалі:

•  Ігара Кізіма — украінскага дыпламата, Надзвычайнага і Паўнамоцнага амбасадара Першага класу, Надзвычайнага і Паўнамоцнага Пасла Украіны ў Беларусі.
•  Яўгена Магду — украінскага палітолага, гісторыка, журналіста, дырэктара Інстытута сусветнай палітыкі.
•  Алега Турыя — украінскага царкоўнага гісторыка, дырэктара Інстытута гісторыі Царквы Украінскага каталіцкага ўніверсітэта, віцэ-рэктара па стратэгічным супрацоўніцтве УКУ, загадчыка кафедры гісторыі Царквы.
•  Святлану Курс — беларускую пісьменніцу, журналістку.
• Яўгена Орду — вайсковага капелана ПЦУ, настаяцеля гарнізоннага храма святога мучаніка Іаана, мітрафорнага протаіерэя.
•  Караліну Мацкевіч — беларускую і брытанскую біблістку, доктарку біблістыкі, дзяячку беларускай дыяспары ў Вялікабрытаніі.
•  Крысціну Дробыш — беларускую тэатральную акторку, акторку дубляжа фільмаў і аўдыякніг.
•  Ігара Сігава — акцёра тэатра і кіно.
• Сяргея Чуба — беларускага акцёра, вядучага.

Медаль «За плённую працу на карысць Беларусі» Аб’яднанага Пераходнага Кабінета Беларусі. Фота: t.me/CabinetBelarus

Акрамя гэтага Кабінет пастанавіў узнагародзіць:

Крыжом Свабоды — Алеся Бяляцкага, беларускага грамадскага дзеяча, праваабаронцу, вязня сумлення, лаўрэата Нобелеўскай прэміі міру;

Медалём Францыска Скарыны — Аляксандра Мілінкевіча, беларускага навукоўца, грамадскага і палітычнага дзеяча, канцлера «Вольнага Беларускага Універсітэта»;

Медалём «Гонар і Годнасць» — Сяргея Багукальца, грамадскага актывіста, вайскоўца, дзяржаўнага дзеяча;

Медалём «Няскораных» (Ларысы Геніюш) за асабістую адвагу, стойкасць — Марыю Калеснікаву.