YouTube выдаліў новы канал СТБ

Пасля выдалення асноўнага канала СТБ з YouTube запасны канал пратрымаўся на відэахостынгу ўсяго пяць дзён.

Скрыншот: СТБ

СТБ паведамляе, што 8 красавіка платформа YouTube выдаліла новы канал выдання, які пачалі развіваць пасля страты старога YouTube-канала.

«Атака на свабоду слова з боку буйных замежных інтэрнэт-платформаў працягваецца», — пракаментавалі інцыдэнт на СТБ.

Таксама ў медыя заявілі, што новы канал быў выдалены нібыта праз санкцыі, пасля таго як ён пачаў актыўна набіраць аўдыторыю і прагляды.

Нагадаем, 3 красавіка з YouTube выдалілі каналы БелТА, СТБ і АНТ. Гэта адбылося на фоне выхаду ў эфір праграмы Рамана Пратасевіча, у якой ён пагражаў расправай незалежным беларускім журналістам. Аднак дакладныя прычыны знікнення каналаў дзяржСМІ з платформы невядомыя.

Міністэрства інфармацыі РБ тады заявіла, што пакідае за сабой права прыняць «меры рэагавання», а МЗС прыгразіў адказам «даступнымі сродкамі».

Што страцілі дзяржаўныя СМІ праз выдаленне сваіх YouTube-каналаў і колькі беларускіх падпісчыкаў яны мелі