Беларуская журналістка Таццяна Ашуркевіч стала лаўрэаткай The Stringer Awards 2026 за смеласць у журналістыцы
На прэмію прэтэндавалі амаль 800 кандыдатаў з усяго свету. Увесну Таццяна Ашуркевіч увайшла ў лік 25 фіналістаў, а ў лістападзе яе абвясцілі адной з пераможцаў. Імёны лаўрэатаў былі апублікаваныя ў The Washington Post, The New York Times і The Guardian.

Таццяна Ашуркевіч. Stringer World News
Беларуская журналістка-расследавальніца Таццяна Ашуркевіч стала адной з лаўрэатак міжнароднай прэміі The Stringer Awards 2026, якой адзначаюць журналістаў за смеласць у працы.
У склад журы ўвайшлі рэдактар аддзела меркаванняў Financial Times Саша Полакаў-Суранскі, выдавец The New York Times Артур Грэг Сульцбергер, галоўны рэдактар The New Yorker Дэвід Рэмнік і генеральны дырэктар CNN Марк Томпсан, а таксама журналістка CNN Крысціян Аманпур і лаўрэатка Нобелеўскай прэміі міру Аляксандра Матвійчук.
Ашуркевіч піша пра аўтарытарызм, дэзінфармацыю і вайну ва Украіне. Пасля падзей 2020 года яна была вымушаная пакінуць Беларусь праз палітычны пераслед. Супраць яе ўзбуджаныя крымінальныя справы як у Беларусі, так і ў Расіі. Цяпер яна працуе журналісткай-расследавальніцай у The Christo Files разам з Хрыста Грозевым.
«У сваёй працы яна спалучае рэпартажы з месцаў падзей, у тым ліку з фронту, з аналізам уцечак дакументаў і расследаваннямі на аснове адкрытых крыніц. Ашуркевіч даследуе, як аўтарытарныя рэжымы выкарыстоўваюць міграцыю ў якасці зброі, маніпулююць інфармацыяй і вядуць войны», — так прадстаўляе беларускую журналістку The Stringer Awards.
Абвяшчаючы пераможцаў сёлетняй прэміі, фонд падкрэсліў, што яны «рызыкуюць жыццём, абараняючы ваша права на праўду».
Віншуем Таццяну!
Вось некалькі важных расследаванняў, у якіх удзельнічала беларуска:
“We must not say it’s for the war”: Hundreds of thousands of Russian schoolkids are building drones that kill Ukrainians (The Insider, 22.07.2025, у суаўтарстве з Раманам Дабрахотавым і Хрыста Грозевым)
Inside Belarus’ secret program to undermine the EU (Politico, 22.01.2025)
Inside Russia’s AI Propaganda Machine (Pulitzer Center, верасень 2026, у суаўтарстве з Хрыста Грозевым)
Tag der Pressefreiheit: Mit einem Rucksack ins Exil (Tagesspiegel)
Reporting from Ukraine: “We’re already used to death”. Life in Kharkiv under Russian missile fire (Veridica, 01.05.2024)
@bajmedia