«Экадом» шукае PR-менеджар_ку (дэдлайн — 25 сакавіка)

Арганізацыя «Экадом» абвясціла вакансію PR-менеджара / PR-менеджаркі.

Абавязкі:

• перагляд/адаптацыя да сучасных умоваў і рэалізацыя камунікацыйнай стратэгіі «Экадома», пры неабходнасці стварэння новай PR-стратэгіі «Экадома», аналіз эфектыўнасці яе рэалізацыі; 
• распрацоўка і каардынацыя інфармацыйных кампаній у рамках праектаў;
• падрыхтоўка прэс-рэлізаў, распаўсюд інфармацыі па стратэгічных тэмах «Экадома»;
• напісанне/размяшчэнне артыкулаў на сайце «Экадома»;
• генерацыя ідэй і фарматаў па супрацы з інфлуэнсер_камі, партнерскімі арганізацыямі і ініцыятывамі;
• падтрыманне і кантроль візуальнай і камунікацыйнай ідэнтычнасці «Экадома»;
• удзел у распрацоўцы штотыднёвага кантэнт-плана для сацыяльных сетак арганізацыі (разам з smm-спецыялісткай);
• штомесячны маніторынг і аналіз узгадванняў «Экадома» ў СМІ і сацыяльных сетках, рэагаванне на інфармацыйныя нагоды;
• падрыхтоўка штогадовых справаздач пра дзейнасць «Экадома».

Патрабаванні:

• досвед працы ў сферы камунікацый, PR, SMM не менш за 2 гады;
• разуменне прынцыпаў стратэгічных камунікацый і працы з рознымі аўдыторыямі;
• выдатныя пісьмовыя і вусныя камунікатыўныя навыкі на беларускай і рускай мовах;
• навыкі планавання, каардынацыі і працы з некалькімі задачамі адначасова, досвед у кіраванні невялікай камандай (пазіцыя прадугледжвае супрацу з smm-спецыялісткай, а таксама час ад часу з падрадчыкамі);
• базавыя навыкі аналізу эфектыўнасці камунікацый (SMM, PR, ахопы);
• высокі ўзровень самаарганізацыі і адказнасці;
• досвед працы з Word­Press, Google Ana­lyt­ics, Can­va, Fig­ma, Google Docs, Zoom або гатоўнасць навучыцца;
• веданне англійскай мовы на працоўным узроўні (вусна і пісьмова) з’яўляецца перавагай.

Умовы:

• праца на 0,65 стаўкі (да 26 гадзін на тыдзень);
• сэрвісны кантракт з літоўскай арганізацыяй;
• старт працы з 1 красавіка 2026; 
• заробак 1000 EUR брута з магчымасцю павялічэння занятасці ў залежнасці ад роста колькасці праектаў;
• выпрабавальны тэрмін 1 месяц.

Калі вы зацікаўленыя ў пазіцыі, дасылайце, калі ласка, CV і матывацыйны ліст да 25 сакавіка 2026 года ўключна на адрас ecohome.by@gmail.com з тэмай ліста “Вакансія_PR”.

Увага! Пазіцыя прадугледжвае публічнасць, а арганізацыя «Экадом» прызнаная экстрэмісцкім фармаваннем у Беларусі.