Ostkurs 2026: Летняя акадэмія для журналістаў з Цэнтральнай і Усходняй Еўропы (дэдлайн — 15 лютага)

Інстытут журналісцкай адукацыі (IFP) прапануе трохтыднёвую летнюю акадэмію ў Мюнхене. Запрашаюць маладых журналістаў з Цэнтральнай і Усходняй Еўропы, якія валодаюць нямецкай мовай.

Дзе: Мюнхен, Германія.

Калі: з 5 па 24 ліпеня 2026 года.

Праграма «Усходні курс 2026» уключае класічныя журналісцкія жанры, такія як навінавыя рэпартажы, інтэрв’ю, тэматычныя артыкулы, а таксама фактчэкінг і мабільную журналістыку. Трэці тыдзень семінара будзе прысвечаны практычнай падрыхтоўцы да інтэрв’ю ў тэлестудыі.

Патрабаванні да ўдзельнікаў:

• праца на поўны або няпоўны працоўны дзень у прэсе, на радыё, тэлебачанні або ў інтэрнэт-СМІ,
• узрост ад 19 да 32 гадоў,
• валоданне нямецкай мовай як у вуснай, так і ў пісьмовай форме,
• станоўчае стаўленне да дэмакратычных, гуманістычных і рэлігійных каштоўнасцей.

Кошт удзелу, які ўключае пражыванне, харчаванне і трохтыднёвы навучальны курс, складае 

• 160 еўра для ўдзельнікаў з краін-членаў ЕС;
• 130 еўра для ўдзельнікаў з краін, якія не ўваходзяць у ЕС
  (паводле месца жыхарства на пачатак семінара). 

Для пакрыцця фактычных выдаткаў на праезд можа быць выплачана дапамога (максімум да 350 еўра).

Дэдлайн падачы заявак — 15 лютага 2026 года.

ПАДРАБЯЗНАСЦІ І РЭГІСТРАЦЫЯ