У «Зялёнага парталу» змянілася галоўная рэдактарка

Рэдакцыяй парталу будзе кіраваць Ганна Галёта, паведаміла экс-галоўная рэдактарка Яніна Мельнікава.

Ганна Галёта. Фота з архіва гераіні

«Прыйшоў тай час, калі я афіцыйна сыходжу з пасады галоўнай рэдактаркі «Зялёны партал». Сёння афіцыйна прадставілі нашай новай камандзе новую галоўную рэдактарку. Ёй стала Ганна Галёта», — напісала на сваёй старонцы ў Face­book Яніна Мельнікава.

Ганна Галёта — былая журналістка тэлеканала «Белсат», вядоўца праграмы-антыфэйк «Лукавыя навіны».

Анна Голёта: “Смех стал типичной реакцией при обнаружении фейков”

Сама Мельнікава пераходзіць на стратэгічную пасаду камунікатыўнай менэджаркі ал’янсу «Зялёная сетка».

Яніна Мельнікава. Форума журналісцкіх арганізацый краін Балтыі і пераследуемых журналістаў. 13 снежня 2024 года. Фота: БАЖ

«Зялёная сетка», ці Green Net­work — супольнасць экалагічных арганізацый і экаактывістаў Беларусі, галоўная мэта якой зрабіць Беларусь зялёнай, дэмакратычнай і квітнеючай краінай.

«Зялёны партал» — гэта медыя пра экалогію, экадружалюбны лад жыцця і правы чалавека на здаровае навакольнае асяроддзе.

У жніўні 2025 года КДБ прызнаў кааліцыю «Зялёная сетка», у якую ўваходзяць праекты «Belarus Bee­hive», «Зялёны партал» і «Экадом», «экстрэмісцкім фармаваннем».