Наталля Эйсмант анасавала запуск новага інфармацыйнага тэлеканала

У Беларусі плануюць запусціць новы інфармацыйны тэлеканал. Пра гэта расказала прэс-сакратарка Лукашэнкі Наталля Эйсмант у эфіры «Беларусь 1».

Праца па запуску новага тэлеканала вядзецца сумесна з намеснікам кіраўніка Адміністрацыі прэзідэнта Уладзімірам Пярцовым, які, па словах Эйсмант, пачынаў гэты праект яшчэ будучы міністрам інфармацыі.

Прэс-сакратарка Лукашэнкі мяркуе, што праект стане знакавым для ўсёй медыясферы краіны.

«У нашых агульных інтарэсах, каб гэта была вельмі жывая, аператыўная пляцоўка», — дадала яна.

Наталля Эйсмант удакладніла, што на новым тэлеканале будзе шмат прамых трансляцый, у тым ліку найважнейшых палітычных падзей.