Рэдакцыя раённай газеты ў Лёзна ініцыявала крымінальную справу супраць свайго чытача. Ён пакінуў негатыўны каментар пра намесніка пракурора

Супраць жыхара Лёзна распачалі крымінальную справу за каментар у сацсетках раённай газеты, паведамляе «Віцебская Вясна».

Фота: Сцяг Перамогі

Па інфармацыі праваабаронцаў, крымінальную справу па артыкуле 369 Крымінальнага кодэксу (абраза прадстаўніка ўлады) распачалі 14 жніўня 2026 года супраць беспрацоўнага 42-гадовага ліёзненца.

Вядома, што мужчына негатыўна выказаўся на адрас намесніка пракурора Лёзненскага раёна — напісаў каментар «з выкарыстаннем грубай ненарматыўнай лексікі» да адной з публікацый на старонцы ў Insta­gram лёзненскай раёнкі «Сцяг перамогі».

У рэдакцыі каментар выдалілі і паскардзіліся ў міліцыю. Аўтара допіса затрымалі.