Пракуратура Брэстчыны накіравала ў суды 117 заяў аб прызнанні інфармацыйнай прадукцыі «экстрэмісцкай»

Органы пракуратуры Брэсцкай вобласці ў першай палове 2026 года накіравалі ў суды 117 заяў аб прызнанні інфармацыйнай прадукцыі «экстрэмісцкімі матэрыяламі».

Пракуратура Брэсцкай вобласці. Фота: Валерый Кароль

Як справаздачыцца служба інфармацыі надзорнага ведамства, пракурорамі Брэстчыны, у прыватнасці, былі накіраваныя заявы аб прызнанні «экстрэмісцкімі» наступных інфармацыйных крыніц:

• 34 старонкі ў Insta­gram,
• 24 акаўнты Tik­Tok,
• 23 акаўнты ў Threads,
• 8 інтэрнэт-сайтаў,
• 7 акаўнтаў у Face­book,
• 6 акаўнтаў у «ВКонтакте»,
• 6 каналаў на YouTube,
• 5 Telegram-акаўнтаў і/ці каналаў,
• 3 акаўнты ў X (Twit­ter),
• 3 каналы платформы «Дзен»,
• 2 мабільныя аплікацыі.

Паводле заяў пракурораў, «экстрэмісцкай» прызнаныя акаўнты «kyky_org» у Threads, «bul­bamovie» у Insta­gram, супольнасці «Пояс Белавежы», «Па першае, я з Пінска», «Не Лунінец, а Лунінец» у Tik­Tok.

Таксама быў абмежаваны доступ да інтэрнэт-рэсурсаў «Зялёны тэлефон» (grеenphone.help) і 100dаys.pl.

На сёння пракурорамі Брэстчыны накіраваныя хадайніцтвы ў Брэсцкую абласную экспертную камісію для ацэнкі інфармацыйнай прадукцыі 10 іншых інфармацыйных крыніц на наяўнасць прыкмет «экстрэмізму». Пасля атрымання экспертных заключэнняў будзе вырашанае пытанне аб накіраванні ў суд адпаведных заяваў.

Распаўсюд матэрыялаў, прызнаных беларускімі ўладамі «экстрэмісцкімі», у ліку праз спасылкі, рэпосты, лайкі, цягне за сабой адказнасць паводле арт. 19.11 КаАП РБ.