АПК уганараваў медалём тэлевядоўцу Кацярыну Ваданосаву

Аб’яднаны пераходны кабінет прыняў рашэнне ўзнагародзіць «шэраг выбітных асоб». Адпаведныя пастановы 31 ліпеня 2026 года падпісала кіраўніца Кабінета Святлана Ціханоўская.

Фота: АПК

Сярод уганараваных — тэлевядоўца, аўтарка медыяпраектаў Кацярына Ваданосава, якая атрымае медаль «За плённую працу на карысць Беларусі». Таксама ў спісе праваабаронца «Вясны» Валянцін Стэфановіч.

Усяго ўзнагародзяць 9 чалавек.

Медаль Францыска Скарыны атрымаюць:

• Галіна Казіміроўская – беларуская харавая дырыжорка, кампазітарка, музычны педагог і музыказнаўца;
• Юрый Астапчук (Jerzy Ostapczuk) – дзеяч беларускай меншасці ў Польшчы, педагог, арганізатар культурніцкіх праектаў;
• Багуслава Карчэўская (Bogusława Kar­czews­ka) – беларуская дзяячка ў Польшчы, спявачка, педагог і арганізатарка культурніцкіх праектаў.

Медалём «Няскораных (Ларысы Геніюш)» узнагароджваецца:

• Валянцін Стэфановіч – вядомы праваабаронца, член Рады Праваабарончага цэнтра «Вясна», віцэ-прэзідэнт Міжнароднай федэрацыі за правы чалавека (FIDH).

Медалём «За плённую працу на карысць Беларусі» уганараваныя:

• Ірына Быкава (пасмяротна) – беларуская культурная дзяячка, журналістка, захавальніца літаратурнай спадчыны народнага пісьменніка Беларусі Васіля Быкава;
• Кацярына Каланчук-Ваданосава – беларуская спявачка, паэтка, музыка і культурніцкая дзяячка;
• Дайнюс Жалімас (Dainius Žal­i­mas) – літоўскі юрыст, доктар права, прафесар міжнароднага і канстытуцыйнага права, дзяржаўны дзеяч;
• Сяргей Собалеў (Сергій Соболєв) – украінскі палітычны дзеяч, юрыст, гісторык, народны дэпутат Вярхоўнай Рады Украіны.

Яшчэ адзін выбітны чалавек атрымае ўзнагароду непублічна. Ён ушанаваны Крыжам Свабоды — за асабісты грамадзянскі ўчынак, які стаў сімвалам барацьбы беларусаў за свабоду, а таксама шматгадовае змаганне за дэмакратыю ў Беларусі.

Кацярына Ваданосава: «Мне трэба заўсёды гарэць»