Брытанскі тэлевядучы Джэрэмі Кларксан паведаміў, што ў яго дыягнаставалі рак

Брытанскі тэлевядучы, заснавальнік платформы Only Farm­ers Джэрэмі Кларксан паведаміў, што ў яго дыягнаставалі рак. Пра хваробу ён расказаў у праграме Clark­son’s Farm у аўторак вечарам.

Джэрэмі Кларксан. Фота: John Phillips/Getty Images for The Oth­er Songs

Трохі раней вядучы ў сацыяльных сетках папярэдзіў сваіх прыхільнікаў, што апошнія эпізоды праграмы будуць «цяжкімі для прагляду», піша Sky News.

Джэрэмі Кларксану — 66 гадоў, ён праславіўся дзякуючы культавай і шалёна папулярнай праграме пра аўтамабілі Top Gear, якая атрымала прэмію «Эмі» ў 2005 годзе, вёў праграмы «Вялікі тур», «Хто хоча стаць мільянерам». Аўтар штотыднёвых калонак для газет «Sun­day Times» і «The Sun».

Разам з Джэймсам Мэем ён быў першым, хто дасягнуў паўночнага магнітнага полюса Зямлі на аўтамабілі, што ўвайшло ў адзін з выпускаў тэлеперадачы «Top Gear».