Еўрапейскія дыпламаты напісалі лісты зняволеным беларускім журналістам

У Сусветны дзень свабоды друку дыпламаты еўрапейскіх краін адправілі лісты беларускім палітзняволеным журналістам. Пра акцыю паведамляе пасольства Германіі ў Мінску.

Фота: Dušan Cve­tanović / pexels.com

«У адной Беларусі на сённяшні дзень 35 журналістаў і работнікаў СМІ несправядліва знаходзяцца ў зняволенні. Адсутнасць іх галасоў балюча адчуваецца ў публічнай прасторы Беларусі. Разнастайныя формы рэпрэсій супраць журналістаў і супрацоўнікаў СМІ ў Беларусі з’яўляюцца парушэнням міжнародных абавязкаў, якія Беларусь, уваходзячы ў ААН і АБСЕ, прызнае сама», — гаворыцца ў паведамленні пасольства ФРГ у Мінску.

Лісты накіравалі кожнаму з 35 супрацоўнікаў медыяў, якія несправядліва знаходзяцца ў зняволенні ў Беларусі. 

«Урады краін падпісаўшыхся дыпламатаў адзіныя ў патрабаванні таго, каб палітзняволеныя нарэшце выйшлі на свабоду», — адзначаецца ў паведамленні.

Радкі з лістоў, накіраваных беларускім палітзняволеным журналістам. Фота: старонка Face­book Пасольства Германіі ў Беларусі

Лісты падпісалі: 

• Часовы павераны ў справах Германіі ў Беларусі Міхаэль Новак, 
• Часовы павераны ў справах Аўстрыі ў Беларусі Рональд Штурм, 
• Надзвычайны і Паўнамоцны Пасол Балгарыі ў Беларусі Георгі Васілеў, 
• Часовы павераны ў справах Чэхіі ў Беларусі Томаш Крыл, 
• Часовы павераны ў справах Эстоніі ў Беларусі Трыын Хіесалу, 
• Кіраўнік аддзялення Пасольства Фінляндыі ў Беларусі Каця Карпінен, 
• Павераны ў справах Францыі ў Беларусі Людавік Руае, 
• Часовы павераны ў справах Італіі ў Беларусі Тамаза Маркеджані, 
• Часовы павераны ў справах, Кіраўнік аддзялення Пасольства Нідэрландаў у Мінску Рэнэ Керстэн, 
• Часовы павераны ў справах Польшчы ў Беларусі Кшыштаф Ажанна, 
• Часовы павераны ў справах Румыніі ў Беларусі Віктар Пыртоака, 
• Часовы павераны ў справах Славакіі ў Беларусі Катарына Жакава, 
• Часовы павераны ў справах Швецыі ў Беларусі Ева Сундквіст, 
• Надзвычайны і Паўнамоцны Пасол Швейцарыі ў Беларусі Крысціна Хонэгер Залатухін, 
• Пасол Яго Вялікасці Караля Вялікабрытаніі ў Беларусі Жаклін Перкінс.