Глабальная журналісцкая стыпендыя імя Хлебнікава (дэдлайн — 17 траўня)

Інстытут Гарымана пры Калумбійскім універсітэце ў партнёрстве з Калумбійскай школай журналістыкі і фондам JX запрашае незалежныя СМІ ў выгнанні з Азербайджана, Беларусі і Расіі падаць заяўку на стыпендыю Kleb­nikov Glob­al Jour­nal­ism Fel­low­ship 2026.

Фота: з сайта harriman.columbia.edu

Сустракайцеся і абмяркоўвайце тэмы з натхняльнымі калегамі з такіх СМІ, як The New York­er, New York Times ці Politi­co!

Рэдакцыі могуць намінаваць да двух супрацоўнікаў для ўдзелу ў праграме.

Тэмы сустрэч:

• Відэа і мультымедыя ў хутка зменлівай медыяэкасістэме;
• Развіццё OSINT і змены ў гэтай галіне;
• Штучны інтэлект у рэдакцыі;
• Разважанні аб новых (ці старых) фарматах і механізмах дастаўкі на перапоўненым рынку;
• Парады для паспяховага падкаста;
• Як размясціць артыкул у NYT?

Даты:

Анлайн-сесіі будуць праходзіць па пятніцах, 9:30 раніцы па нью-ёркскім часе / 15:30 па цэнтральнаеўрапейскім часе:

29 мая; 5 чэрвеня; 12 чэрвеня; 26 чэрвеня; 3 ліпеня; 10 ліпеня; 17 ліпеня; 24 ліпеня; 31 ліпеня.

Усе сесіі будуць праходзіць на англійскай мове.

Апошні тэрмін падачы заявак —  17 траўня 2026 года, 23:00 (CET).

Вольнае валоданне пісьмовай і вуснай англійскай мовай з’яўляецца абавязковай умовай для ўдзелу. Для некаторых сесій неабходна будзе падзяліцца сваім досведам з групай, уступаць у абмеркаванні.

РЭГІСТРАЦЫЯ