Рэзідэнцыя ў Лейпцыгу для журналістаў, якія сутыкаюцца з пагрозамі і пераследам

Еўрапейскі цэнтр за свабоду прэсы і медыя (Euro­pean Cen­tre for Press and Media Free­dom, ECPMF) запрашае журналістаў, якія сутыкаюцца з пераследам і пагрозамі праз сваю прафесійную дзейнасць, падавацца на праграму Jour­nal­ists-in-Res­i­dence (JiR). Удзельнікам прапануюць часовы бяспечны прытулак у нямецкім Лейпцыгу, фінансавую падтрымку і магчымасць працягваць журналісцкую працу ў спакойных умовах.

Фота: Tilman2007 / uk.wikipedia.org

Праграма доўжыцца ад 3 да 6 месяцаў і ўключае:

• бясплатную мэбляваную кватэру ў Лейпцыгу;
• стыпендыю ў памеры 1000 еўра штомесяц на асноўныя выдаткі;
• медыцынскую страхоўку;
• аплату візавых выдаткаў;
• кампенсацыю дарогі ў Лейпцыг і назад;
• магчымасць атрымаць псіхалагічную дапамогу;
• удзел у прафесійных трэнінгах;
• доступ да працоўнага месца ў офісе ECPMF і магчымасць наладжваць прафесійныя кантакты.

Хто можа ўдзельнічаць

Кандыдаты павінны адпавядаць наступным крытэрам:

• быць легальным жыхаром краіны — члена Еўрасаюза, краіны-кандыдата на ўступленне ў ЕС, дзяржавы — члена Савета Еўропы, а таксама Беларусі або Расіі;
• мець дзейсны пашпарт (падарожны дакумент);
• мець не менш за тры гады журналісцкага досведу;
• падаць як мінімум два рэкамендацыйныя лісты ад аўтарытэтных праваабарончых або медыйных арганізацый, якія пацвярджаюць прафесійны досвед і пагрозы, звязаныя з журналісцкай дзейнасцю;
• валодаць англійскай, нямецкай або рускай мовай на ўзроўні не ніжэйшым за A2.

Як падаць заяўку

Каб падацца на праграму, неабходна даслаць на электронную пошту [email protected] наступныя дакументы:

• Запоўненую анкету ўдзельніка (Appli­ca­tion Form).
• Запоўнены апытальнік (Ques­tion­naire).
• CV (рэзюмэ).
• Два рэкамендацыйныя лісты ад праваабарончых або медыйных арганізацый.
• Дакументы, якія пацвярджаюць асобу.

Больш інфармацыі пра праграму — ПА СПАСЫЛЦЫ