Гранты для СМІ ад Міжнароднага інстытута прэсы (дэдлайн — 18 жніўня)

Міжнародны інстытут прэсы (IPI) абвяшчае конкурс на ўдзел у праграме Tran­si­tion Accel­er­a­tor. У праграме могуць удзельнічаць медыі, зарэгістраваныя ў еўрапейскіх краінах.

Праграма падтрымае 18 навінавых медыяў грантамі ў памеры 20 000 еўра. Да ўдзелу ў акселератары запрашаюць рэдакцыі, у якіх ёсць дакладна вызначаная задача ці праблема да вырашэння.

Праект падтрымлівае СМІ, якія імкнуцца развівацца і эксперыментаваць з інвестыцыямі ў лічбавую трансфармацыю, рэдакцыйнымі прадуктамі і бізнес-мадэлямі.

Праграма разлічаная на восем месяцаў. Каманды атрымаюць індывідуальныя кансультацыі, ацэнку патрэбаў, стратэгічнае планаванне і даследаванне аўдыторыі, знаёмства з новымі інструментамі, семінары і ментарскую падтрымку.

Заяўкі прымаюць да 18 жніўня 2024 года.

Больш інфармацыі і рэгістрацыя — па спасылцы.

Заяўнікі Tran­si­tion Accel­er­a­tor павінны прадставіць падрабязны план з апісаннем канкрэтнай праблемы, якую яны імкнуцца вырашыць. План павінен уключаць даследаванне аўдыторыі або тэставанне рынку, а таксама агульную стратэгію вырашэння выяўленай праблемы. Трэба апісаць параметры паспяховасці свайго праекта, мэтавую аўдыторыю, фінансавыя і кансультацыйныя рэсурсы, неабходныя для рэалізацыі.