Eidolon Grant — 25 000 EUR на праекты пра штодзённую фатаграфію (дэдлайн — 30 верасня)

Eidolon Cen­tre for Every­day Pho­tog­ra­phy ў Будапешце шукае праекты, якія даследуюць, інтэрпрэтуюць, папулярызуюць і захоўваюць ver­nac­u­lar pho­tog­ra­phy — штодзённую, аматарскую, сямейную, архіўную і сацыяльную фатаграфію.

У 2026 годзе агульны фонд гранта — 25 000 EUR, якія будуць размеркаваныя паміж праектамі ў дзвюх катэгорыях. Колькасць пераможцаў і памер асобных грантаў залежаць ад атрыманых заявак.

Катэгорыі:

1. Con­tem­po­rary every­day pho­to­graph­ic cul­tures
Для праектаў пра сучасную культуру лічбавых выяваў, сацыяльныя сеткі, сеткавыя image cul­tures і іх сацыяльныя, палітычныя, гістарычныя і эстэтычныя наступствы.

Праекты могуць даследаваць, як сучасныя візуальныя практыкі ўплываюць на камунікацыю, ідэнтычнасць, сацыяльнае ўзаемадзеянне і культурныя зрухі.

2. Every­day pho­tographs of the past
Для праектаў, якія працуюць з паўсядзённай фатаграфіяй XIX і XX стагоддзяў: прыватнымі і публічнымі архівамі, сямейнымі здымкамі, схаванымі або малавядомымі калекцыямі, калектыўнай памяццю і гісторыямі.

Асобна вітаюцца праекты пра гісторыю захавання такіх выяваў, а таксама пра развіццё фотаапарата і яго ўплыў на паўсядзённую культуру.

Магчымыя фарматы:

• Доўгія эсэ або серыі артыкулаў для eidolon jour­nal;
• Англійскія пераклады важных тэкстаў пра паўсядзённую фатаграфію;
• Арыгінальныя кнігі з фотаілюстрацыямі;
• Мультымедыйныя працы, лічбавыя і site-spe­cif­ic праекты;
• Варкшопы або серыі варкшопаў;
• Кароткія дакументальныя фільмы і відэаэсэ;
• Групавыя або персанальныя выставы;
• Публічныя размовы або серыі падзей;
• Майстар-класы або даследчыя групы.

Важна: арганізатары не шукаюць прапановы фотакніг.

На што можна выдаткаваць грант:

Сродкі можна выкарыстоўваць на ганарары выканаўцаў(-іц), паездкі, падрыхтоўку і вытворчасць праекта, а таксама аплату партнёраў.

Для падачы трэба падрыхтаваць:

• Асноўную інфармацыю пра заяўніка(-цу);
• Назву праекта;
• Катэгорыю і тып выніку;
• Кароткае апісанне праекта — да 2000 знакаў;
• Кароткае CV і агляд рэлевантных праектаў у адным PDF — да 3 старонак і да 10 MB;
• Падрабязнае апісанне праекта ў PDF — да 10 старонак і да 10 MB;
• Таймлайн, мэты, метадалогію і візуальныя матэрыялы;
• Бюджэт у афіцыйным Excel-шаблоне;
• Калі ёсць партнёрскія інстытуцыі — падпісаны ліст згоды.

У залежнасці ад фармату праекта могуць спатрэбіцца дадатковыя матэрыялы, напрыклад пісьмовыя прыклады або апісанне перакладу.

Няпоўныя або няправільна аформленыя заяўкі аўтаматычна адхіляюцца.

ПАДАЦЬ ЗАЯЎКУ

Таймлайн:

• Дэдлайн — 30 верасня 2026 года, 23:59;
• Абвяшчэнне пераможцаў(-ц) — 10 лістапада 2026 года.