Гранты Nordic Media Grants для беларускіх медыяў і журналістаў (дэдлайн — 3 лістапада)

Nordic Coun­cil у Літве абвясціў чацвёрты конкурс для беларускіх медыяў на 2025–2026 гады. Гэтая праграма закліканая ўмацаваць дэмакратыю і грамадзянскую супольнасць праз падтрымку незалежных СМІ і медыямастацтва.

Якая мэта?

Падтрымаць ініцыятывы незалежнай журналістыкі і медыямастацтва, а таксама спрыяць вытворчасці высакаякаснага, годнага даверу і разнастайнага кантэнту для беларусаў пра падзеі ў краіне.

Хто можа падаць заяўку?

Беларускія незалежныя СМІ, журналісты, стваральнікі візуальнага, мастацкага, міждысцыплінарнага медыякантэнту, а таксама небеларускія СМІ, якія наймаюць беларускіх журналістаў і вырабляюць кантэнт пра сітуацыю ў Беларусі.

Калі дэдлайн?

3 лістапада 2025 года (не пазней за 23:59 па EET).

Які аб’ём падтрымкі?

Памер гранта можа вар’іравацца ад 5 000 еўра да 30 000 еўра.

Працягласць

Максімальная працягласць праекта – 12 месяцаў.

Куды накіроўваць заяўкі?

Форму для заяўкі можна спампаваць ТУТ. Пасля яе трэба накіраваць на адрас электроннай пошты mediagrantsbelarus@norden.lt. Больш падрабязную інфармацыю можна атрымаць на афіцыйным сайце праграмы.