Набор на першы курс Кампуса палітычнай навукі (дэдлайн — 9 кастрычніка)

На два дні падоўжылася магчымасць зарэгістравацца на адукацыйную праграму «Алгарытмы ўлады: інструменты лічбавага кантролю і ўплыву» ад Кампуса палітычнай навукі. Новы курс прапануе паглыбленае вывучэнне сучасных палітычных працэсаў і праблем.

Краш-курс «Алгарытмы ўлады: інструменты лічбавага кантролю і ўплыву» прысвечаны таму, як дзяржава выкарыстоўвае інтэрнэт і сацсеткі для ўздзеяння на меркаванні грамадзян і кантролю за імі.

На курсе вы даведаецеся:

- як аўтарытарныя рэжымы выкарыстоўваюць лічбавыя тэхналогіі для кантролю над грамадзянамі і маніпуляцыі грамадскай думкай;

- асноўныя метады дэзінфармацыі і прапаганды, якія прымяняюцца ў інтэрнэце — перш за ўсё сацыяльных сетках і месэнджарах — для ўплыву на ўнутраныя і знешнія (замежныя) аўдыторыі (прыклады з Беларусі, Расіі і Кітая).

Запланавана 6 анлайн-заняткаў, якія пройдуць 14–24 кастрычніка з 18:30–20:30 па Мінску.

Падрабязнасці, спікеры і рэгістрацыя — https://politicalcampus.co/

Дэдлайн да 9 кастрычніка (23:59 па Мінску)