PhotoVogue прымае заяўкі на міжнародны фотаконкурс (дэдлайн — 11 верасня)

Платформа Pho­toVogue абвясціла прыём заявак на міжнародны конкурс Brave New Visions: Cre­ativ­i­ty as Rebel­lion.

Заклікаюць фатографаў і відэамейкераў з усяго свету падаваць фота, відэа і дакументальныя матэрыялы, якія паказваюць выклік абыякавасці, разбураюць стэрэатыпы, аказваюць супраціў аднастайнасці сучаснага лічбавага патоку і прапануюць новыя шляхі асэнсавання свету.

Пераможцы атрымаюць тры гранты на агульную суму 12 000 долараў ЗША:

• 6 000 долараў за працу, якая істотна пашырае межы візуальнай мовы;
• 4 000 долараў за моцны, унікальны і пераканаўчы погляд;
• 2 000 долараў для перспектыўнага фотамастака.

Абраныя ўдзельнікі змогуць:

• прадставіць свае працы на фестывалі Pho­toVogue;
• быць апублікаванымі ў міжнародных выданнях Vogue;
• узяць удзел у віртуальных партфоліа-рэв’ю Pho­toVogue.

Удзельнічаць у конкурсе могуць мастакі, фатографы і відэамейкеры з любой краіны свету ва ўзросце ад 18 гадоў. Да разгляду прымаюцца фотапраекты, відэа і мультымедыйныя працы. Праекты, створаныя з дапамогай штучнага інтэлекту, не дапускаюцца.

Дэдлайн падачы заявак — 11 верасня 2026 года.

Для ўдзелу неабходна запоўніць анкету і загрузіць серыю да 15 фотаздымкаў, або мультымедыйны праект, або відэаролік працягласцю да 60 секунд.

ПАДРАБЯЗНАСЦІ І РЭГІСТРАЦЫЯ

Pho­toVogue — глабальная ініцыятыва медыягрупы Condé Nast, якая падтрымлівае маладых і незалежных аўтараў у сферы візуальнага мастацтва.