Пітчынг дакументальных праектаў на WATCH DOCS 2026 (дэдлайн — 30 кастрычніка)

Незалежных кінематаграфістаў з Польшчы, Украіны, Беларусі і Грузіі запрашаюць прадставіць свае дакументальныя кінапраекты на пітчынг-сесію, якая адбудзецца ў рамках 26-га Міжнароднага кінафестывалю WATCH DOCS «Правы чалавека ў кіно».

Шукаюць праекты, якія тычацца важных сацыяльных праблем і праблем правоў чалавека і знаходзяцца на прасунутай стадыі распрацоўкі, вытворчасці або постпрадакшну.

Пітчынг-сесія пройдзе 11 снежня 2026 года ў Варшаве, падчас фестывалю (4–13 снежня 2026 года).

На мерапрыемстве абраныя ўдзельнікі прадставяць свае праекты запрошаным прафесіяналам кінаіндустрыі. Яны таксама будуць мець магчымасць прадэманстраваць аўдыёвізуальныя матэрыялы, такія як цізер, трэйлер, урывак з фільма або кадры з працэсу вытворчасці.

Хто можа падаць заяўку?

Запрашаюць рэжысёраў і прадзюсараў з Польшчы, Украіны, Беларусі і Грузіі падаваць заяўкі. Грамадзяне любой з гэтых краін, якія ў цяперашні час жывуць або працуюць у іншым месцы, таксама маюць права падаць заяўкі.

• Да ўдзелу могуць падаваць паўнаметражныя, сярэднеметражныя і кароткаметражныя дакументальныя праекты.
• Для праектаў не патрабуецца наяўнасць польскага прадзюсара або польскага партнёра па сумеснай вытворчасці.
• Да ўдзелу могуць далучыцца міжнародныя сумесныя вытворчасці.

Прэзентацыя праекта павінна ўключаць:

• знаёмства з камандай;
• тэму і герояў фільма;
• мастацкую канцэпцыю;
• цяперашні этап праекта;
• бюджэт і фінансаванне;
• ыытворчыя і фінансавыя патрэбы;
• від супрацы, які вы шукаеце;
• візуальны або — пажадана — аўдыявізуальны матэрыял.

Што прапануюць

Найбольш перспектыўныя праекты будуць узнагароджаны грашовымі прэміямі.

• Прэмія за развіццё галіны WATCH DOCS , якая складае 15 000 злотых брута , будзе ўручана праекту на стадыі распрацоўкі.
• Галоўная прэмія індустрыі WATCH DOCS , якая складае 20 000 злотых брута , будзе ўручана праекту на стадыі вытворчасці або постпрадакшну.