Праграма стыпендый Х’юберта Хамфры (дэдлайн — 9 жніўня)

Гадавая праграма для дасведчаных спецыялістаў з лідарскім патэнцыялам і імкненнем працаваць на карысць грамадства. Удзельнікі распрацоўваюць уласную праграму прафесійнага росту без атрымання ступені ў адным з вядучых універсітэтаў ЗША.

Праграма Х’юберта Хамфры дае магчымасць прайсці гадавую стажыроўку ў ЗША, якая дазваляе навучацца ва ўніверсітэце на ўзроўні магістратуры і адначасова ўдасканальваць сваё прафесійнае майстэрства. 

Праграма была створана ў 1978 годзе і атрымала сваю назву ў гонар былога амерыканскага сенатара і віцэ-прэзідэнта Х’юберта Харэйша Хамфры.

• Па завяршэнні праграмы выдаецца сертыфікат ад урада ЗША.
• Праграма не прызначана для атрымання акадэмічнай ступені.

Адбор адбываецца на конкурснай аснове з улікам прафесійных дасягненняў, лідарскага патэнцыялу і прыхільнасці служэнню грамадству.

Асноўныя патрабаванні:

• грамадзянства Беларусі;
• скончаная вышэйшая адукацыя (бакалаўр ці эквівалент);
• мінімум 5 гадоў прафесійнага досведу;
• добры ўзровень англійскай;
• лідарскі патэнцыял.

Напрамкі праграмы Хамфры на 2027–2028 навучальны год

• Камунікацыі і журналістыка: медыя, расследавальная журналістыка, лічбавыя медыя, сувязі з грамадскасцю, празрыстасць медыя, інфармацыйная ўстойлівасць.
• Права і кіраванне.
• Палітыкі ў сферы прыродных рэсурсаў.
• Дзяржаўная і эканамічная палітыка.
• Палітыкі ў сферы грамадскага здароўя.
• Палітыкі ў сферы тэхналогій.

Праграма Х’юберта Хамфры аплачвае міжнародныя пералёты, кошт навучання ва ўніверсітэце, медыцынскую страхоўку, а таксама штомесячную стыпендыю і аднаразовыя выплаты (сродкі для набыцця падручнікаў, ўдзелу ў прафесійных мерапрыемствах і г.д.). Праграма таксама прапануе візавую падтрымку для суправаджаючых членаў сям’і, але не пакрывае выдаткі на іх знаходжанне ў ЗША.

Дэдлайн — 9 жніўня 2026 года. 

ПАДРАБЯЗНАСЦІ І РЭГІСТРАЦЫЯ

Запытацца пра праграму можна па адрасе belarus@americancouncils.org