Прэмія Fetisov Journalism Awards (дэдлайн — 15 верасня)

Конкурс адкрыты для прафесійных журналістаў — прадстаўнікоў СМІ, прафесійных журналісцкіх арганізацый і журналістаў-фрылансераў.

Мэта конкурсу — прызнанне гераізму журналістаў і іх укладу ў прасоўванне агульначалавечых каштоўнасцяў.

Заяўкі прымаюцца ў чатырох катэгорыях:

• унёсак у справу міру,
• унёсак у барацьбу за грамадзянскія правы,
• журналісцкія расследаванні,
• экалагічная журналістыка.

Матэрыялы павінны быць апублікаваныя ў перыяд з 1 чэрвеня 2025 года па 31 траўня 2026 года. Прымаецца максімум тры рэпартажы ці серыі рэпартажаў ад адной журналісцкай арганізацыі.

Кожны аўтар, незалежна ад таго, падае ён сваю працу індывідуальна ці ў складзе каманды, можа падаць толькі адну працу (адзін рэпартаж або серыю рэпартажаў) у адной конкурснай катэгорыі.

Дапускаецца самавылучэнне.

Публкацыі трэба суправадзіць перакладам на англійскую мову. Абмежаванне аб’ёму — 15 000 слоў.

Фільмы, відэа- і аўдыязапісы як асобныя творы на конкурс не прымаюцца.

Тры пераможцы ў кожнай катэгорыі падзяляюць грашовы прыз у памеры 130 000 швейцарскіх франкаў (100 000, 20 000 і 10 000 франкаў за 1, 2 3 месца адпаведна).

ПАДАЦЬ ЗАЯЎКУ

Дэдлайн — 15 верасня 2026 года.

Больш інфармацыі пра конкурс — па спасылцы