Стыпендыі для беларускіх студэнтаў у Літве і Чэхіі ад EU4Belarus (дэдлайн — 7 ліпеня)

У межах праграмы Edu­ca­tion for Belaru­sians адкрыты конкурс стыпендый для беларускіх студэнтаў і студэнтак, якія вучацца або паступаюць на вочную форму навучання ў Літве ці Чэхіі.

Фота: Gera Cejas / pexels.com

Могуць удзельнічаць студэнты бакалаўрыяту, магістратуры і інтэграваных праграм, якія вучацца або паступаюць ва ўніверсітэты Літвы ці Чэхіі.

Умовы:

• Цяперашнія або былыя грамадзяне(-кі) Беларусі.
• Студэнты(-кі), якія пачалі вочнае навучанне ў Літве або Чэхіі не раней за 2020/2021 навучальны год.
• Тыя, хто мае запрашэнне на залічэнне на 2026/2027 навучальны год.
• Заяўнікі(-цы), якія былі адлічаныя з універсітэта ў Беларусі.
• Тыя, хто сам(-а) або чый блізкі член сям’і сутыкнуўся з пагрозамі ці пераследам па палітычных матывах.
• Былыя ўдзельнікі(-цы) SALT, якія пераходзяць на больш высокую ступень адукацыі або паспяхова працягваюць навучанне на той жа праграме.

Што прапануюць:

• Стыпендыя 650 EUR у месяц. Да 10 выплат за навучальны год — у залежнасці ад акадэмічнага календара.
• Падтрымка да 2 акадэмічных гадоў.
• Выплаты могуць працягвацца да канца 2027/2028 навучальнага года, калі студэнт(-ка) не завершыць, не спыніць і не прыпыніць навучанне раней.

Дэдлайн падачы заявак — 7 ліпеня 2026 года.

ПАДРАБЯЗНАСЦІ І РЭГІСТРАЦЫЯ