Стыпендыя на ўдзел у міжнародным фестывалі журналістыкі Breakwater (дэдлайн — 30 траўня)

У верасні 2026 года ў Гданьску (Польшча) адбудзецца першы міжнародны фестываль журналістыкі Break­wa­ter. Арганізатары прапануюць стыпендыі на ўдзел маладым журналістам і медыяспецыялістам з Цэнтральнай Еўропы, Балкан і некаторых краін Усходняга партнёрства.

Еўрапейскі цэнтр Салідарнасці ў Гданьску. Фота: breakwaterfestival.org

Фестываль арганізуе Reporters Foun­da­tion — незалежны польскі цэнтр расследавальнай журналістыкі і медыяінавацый.

• Калі: 24–27 верасня 2026 года.
• Дзе: Еўрапейскі цэнтр Салідарнасці, Гданьск.

Асноўныя тэмы фестывалю: расследавальная журналістыка, OSINT і AI-інструменты, дэзінфармацыя, ваенная журналістыка, сторытэлінг, дакументальнае кіно, устойлівасць і фінансаванне незалежных медыя.

Асобная секцыя будзе прысвечана працы медыяў у выгнанні.

Арганізатары прапануюць стыпендыі фрылансерам, пачынаючым журналістам, а таксама журналістам, чыі рэдакцыі не могуць аплаціць іх удзел у фестывалі.

Стыпендыя пакрывае наступныя выдаткі:

• зваротны рэйс/падарожжа ў Гданьск
• нумар у гатэлі на тры ночы
• транспарт паміж аэрапортам Гданьска і гатэлем
• білет на фестываль

Хто можа падаць заяўку

Конкурс на стыпендыю адкрыты для журналістаў і рэдактараў, якія працуюць поўны працоўны дзень у друкаваных і анлайн-СМІ, на тэлебачанні, відэа, радыё, у дакументальным кіно, падкастах і мультымедыя, у тым ліку фрылансераў, якія працуюць поўны працоўны дзень, з наступных краін:

Чэхія, Славакія, Венгрыя, Польшча, Літва, Латвія, Эстонія, Славенія, Харватыя, Боснія, Чарнагорыя, Сербія, Косава, Албанія, Паўночная Македонія, Беларусь і Украіна, а таксама расійскія спецыялісты з выгнаных СМІ.

Арганізатары аддаюць прыярытэт журналістам з Украіны, Беларусі і расійскіх СМІ ў выгнанні, а таксама тым, хто можа прадэманстраваць моцную асабістую матывацыю да журналісцкай прафесіі.

ПАДРАБЯЗНАСЦІ І РЭГІСТРАЦЫЯ

Кантакт арганізатараў: info@breakwaterfestival.org

Дэдлайн падачы заяўкі — 30 траўня 2026 года.