Вэбінар «Фармаванне кам’юніці ў сацыяльных сетках для НДА і медыяў» (дэдлайн — 23 кастрычніка)

Чакаем тых, хто працуе ў НДА альбо медыях і хоча вывесці свае сацыяльныя сеткі на новы ўзровень. Вэбінар будзе карысным як для пачаткоўцаў, так і для спецыялістаў з досведам.

Хочаце стварыць актыўнае, лаяльнае кам’юніці ў Insta­gram і Tik­Tok вакол важных тэм і задач? Даведайцеся, як зрабіць гэта з максімальным эфектам на вэбінары з Васілём Ядчанкам — журналістам і блогерам, які ахоплівае 1 мільён унікальных карыстальнікаў кожны месяц.

Вэбінар пройдзе 24 кастрычніка, з 18:00 да 20:30 па Вільні, 17:00–19:30 па Варшаве, 19:00–21:30 па Тбілісі у рамках анлайн-курса «Эфектыўныя камунікацыі для НДА і медыяў», які Беларуская асацыяцыя журналістаў ладзіць сумесна з Фондам імя Фрыдрыха Эберта.  

Што абмяркуем

Метады ўцягвання і ўтрымання. Навучыцеся ствараць кантэнт, які прыцягвае і ўтрымлівае ўвагу аўдыторыі, ператвараючы выпадковых гледачоў у актыўных прыхільнікаў.

Практычныя інструменты для ўзаемадзеяння. Даведайцеся, як аналізаваць і выкарыстоўваць дадзеныя аб уцягнутасці і ўтрыманні ў Tik­Tok і Insta­gram.

Разбор паспяховых кейсаў. Адкрыем сакрэты папулярных НДА і медыяў, якім удалося выбудаваць свае ўнікальныя кам’юніці, нягледзячы на ​​абмежаванні.

Стварэнне кантэнту для кам’юніці. Засвоіце прынцыпы стварэння кантэнту, які выклікае абмеркаванні і натхняе на ўдзел. Пагаворым пра лайфхакі, чэленджы, інтэрактыў і адаптацыю складаных тэм у відэафарматы, зразумелыя і цікавыя кожнаму.

Што атрымаеце вы

• Зможаце лепш разумець сваю аўдыторыю, выяўляць яе зацікаўленасці і праблемы.
• Навучыцеся падтрымліваць зваротную сувязь, адказваць на каментары і ўзмацняць давер праз дыялог.
• Даведаецеся, як далучаць да супрацы лідэраў меркаванняў, блогераў і актывістаў для пашырэння вашага кам’юніці.
• Створыце ідэю паста ці відэа і будзеце мець зваротную сувязь ад трэнера.

РЭГІСТРАЦЫЯ

Дэдлайн падачы заявак 23 кастрычніка, 18:00 па Вільні. Тым, хто ўжо ўдзельнічае ў курсе, рэгістравацца на вэбінар, не трэба.

Запрашэнне і спасылку на вэбінар вы атрымаеце на сваю паштовую скрыню за дзень і за гадзіну да пачатку вэбінара.