Youtube ад А да Я: вясновы інтэнсіў ад IFAE (дэдлайн — 29 сакавіка)

Міжнародны фонд развіцця адукацыі дарослых IFAE запрашае на інтэнсіў «Youtube ад А да Я». Гэта курс для тых, хто хоча навучыцца ствараць відэаролікі і зарабляць на гэтым.

Працягласць курса: 6 заняткаў па 1,5–2 гадзіны, а таксама выкананне заданняў.

Калі: з 4 красавіка па 16 траўня ў 19.00 па Мінску

Дзе: анлайн на дыстанцыйнай навучальнай платформе.

Запісацца на ўдзел у курсе можна да 29 сакавіка 2024 года.

РЭГІСТРАЦЫЯ

Пасля сканчэння курса удзельнікі будуць ведаць:

• што такое YouTube, яго магчымасці ды інструменты;
• як знайсці там сваю нішу;
• чаму варта ісці ў YouTube;
• падводныя камяні беларускага YouTube;
• як прасоўваць асабісты канал і дзе ўзяць першых 100 падпісантаў;
• як працаваць з канкурэнтамі і пераймаць іх моцныя бакі;
• як стварыць якасны кантэнт і як яго ацэньваць і паляпшаць у будучыні.

ПАДРАБЯЗНАСЦІ

Заняткі курса вядуць:

Валера Руселік — мэдыяактывіст, блогер з 25-гадовым журналісцкім стажам. Актыўна вядзе ўласныя YouTube- і ТыкТок-каналы. Працяглы час быў самым папулярным беларускамоўным YouTube-блогерам.

Арцём Прыпісноў — блогер, медыяэесперт, экс-галоўны рэдактар, вядучы і ідэйны натхняльнік медыяпраекта, які сабраў мільён праглядаў у першы месяц працы, 10 тысяч падпісчыкаў за два месяцы і ўвайшоў у топ‑5 беларускіх каналаў на YouTube за жнівень 2022 года.