Выйшаў на свабоду палітзняволены намеснік па ідэалогіі БелТА
14 мая 2026
Сяргей Адзярыха перадаваў інсайдарскую інфармацыю Анатолю Котаву, які публікаваў яе ў папулярны тады канал «Нік і Майк». Пасля вызвалення ён пайшоў у таксісты.
Стала вядома пра вызваленне былога топ-менеджара БелТА Сяргея Адзярыхі. Намесніка генеральнага дырэктара БелТА па ідэалогіі арыштавалі ў кастрычніку 2021 года і прысудзілі пяць гадоў калоніі за «перавышэнне ўлады» (арт. 426 Крымінальнага кодэкса).
Сяргея Адзярыху абвінавацілі ў тым, што ён перадаваў інфармацыю Анатолю Котаву ў Нацыянальнае антыкрызіснае ўпраўленне — напрыклад, пра графік паездак Лукашэнкі ці іншых чыноўнікаў. Тыя звесткі публікаваліся ў інсайдарскім канале «Нік і Майк», агулам 58 допісаў.
За інфармацыю яму нічога не плацілі.
Адзярыха быў прызнаны палітвязнем. Яго тэрмін павінен быў скончыцца прыкладна ў ліпені 2026 года, але стала вядома, што былы медыяменеджар ужо знаходзіцца на свабодзе. Паколькі артыкул, па якім асудзілі Адзярыху, быў «карупцыйным», а не «экстрэмісцкім», то тэарэтычна ў яго дачыненні магла прымяніцца амністыя.
У кастрычніку 2025 года Сяргей Адзярыха адкрыў ІП як таксіст.
@bajmedia
Дзяніс Івашын імаверна ізноў трапіў у ШЫЗА
19.09.2025
Новые статьи, по которым можно «стать» террористом в Беларуси. Обновление от Совмина
17.06.2025
Абноўлены сайт Ночы расстраляных паэтаў. Беларусы могуць дадаваць свае акцыі памяці на мапу падзей па ўсім свеце
10.10.2025
Стрымінгавую платформу Belarus Tomorrow абвесцілі «экстрэмісцкім фармаваннем»
10.09.2025
