Сайты незалежных беларускіх медыяў на працягу некалькіх дзён церпяць ад DDOS-атак
11 мая 2026
Цягам апошняга часу некалькі буйных беларускіх медыяў паведамілі пра DDOS-атакі.
Выява зроблена БАЖ з дапамогай Gemini
«На сайт Nashaniva.com сёння ад ночы пачаўшыся чарговая DDoS-атака. Ён можа быць часова недаступны або адкрывацца з затрымкамі», — паведаміла выданне зранку 11 траўня.
Днём раней, 10 траўня, ад атакі пацярпеў сайт незалежнага беларускага выдання «Позірк».
«На сайт «Позірку» ідзе беспрэцэдэнтная атака. Яна адбываецца ўжо каля дванаццаці гадзін. Зараз мы працуем над вырашэннем праблемы, але сайт працуе з перабоямі. Заставайцеся з намі!», — звярнулася да чытачоў рэдакцыя.
29 красавіка пра DDOS-атаку паведамляла анлайн-выданне «Зеркало» і папярэджвала, што праз гэта часова могуць не адкрывацца старонкі сайта.
Хто ажыццяўляе атакі — невядома.
Раней шэраг сайтаў незалежных медыяў трапіў пад кібератаку ў сакавіку, на Дзень Волі. Тады пра гэта папярэджвалі прапагандысцкія рэсурсы.
@bajmedia
Журналістка Юлія Ружэчка запусціла кросплатформенны медыяпраект для беларускіх бацькоў
09.05.2026
«Калі былі кадры затрымання Ігара, я проста адвярнулася». Кацярына Андрэева — пра ўражанні ад фільму «Пад шэрым небам»
08.05.2026
У «экстрэмісцкі» спіс Мінінфарма ўключылі акаўнты ў Threads журналістаў і блогераў
08.05.2026
«Адвакат быў у шоку». Суд вынес рашэнне аб пазове блогера Аляксандра Лапшына
10.02.2026
