У «экстрэмісцкі» спіс Мінінфарма ўключылі акаўнты ў Threads журналістаў і блогераў

Міністэрства інфармацыі Беларусі 7 траўня ў чарговы раз папоўніла на сваім сайце Рэспубліканскі спіс экстрэмісцкіх матэрыялаў.

Галоўная рэдактарка тэлеканалу «Белсат» Аліна Коўшык. Фота: Белсат

У яго ўключылі адразу 23 акаўнты ў Threads, якія 5 мая 2026 года прызнаў «экстрэмісцкай інфармацыйнай прадукцыяй» суд Партызанскага раёна Мінска. У іх ліку 8 акаўнтаў інфармацыйных рэсурсаў і беларускіх журналістаў і блогераў:

• акаўнт Charter97.org (ідэнтыфікатар www.threads.com/@charter97org);
• акаўнт «Fil­iżan­ka — Польша Новости» (ідэнтыфікатар www.threads.com/@filizankanews);
• акаўнт Ali­na Koushyk / Edi­tor-in-chief of Bel­sat TV (ідэнтыфікатар www.threads.com/@alinakoushyk);
• акаўнт «Каця Пытлева» (ідэнтыфікатар www.threads.com/@ezhaka);
• акаўнт Usi­asłaŭ Paškievič (ідэнтыфікатар www.threads.com/@usiaslau_paszkievicz);
• акаўнт Miko­la Dzi­adok (ідэнтыфікатар www.threads.com/@mikola_dziadok);
• акаўнт Ali­ak­san­dr Ivulin (ідэнтыфікатар www.threads.com/@a_ivulin);
• акаўнт «Грустный Коленька» (ідэнтыфікатар www.threads.com/@sad_mikalai).

Таксама ў «экстрэмісцкі» спіс Мінінфарма ўключылі акаўнты ў Threads праваабарончых структур:

• акаўнт Vol­un­teer Ser­vice of Vias­na Human Rights Cen­ter (ідэнтыфікатар  www.threads.com/@vsviasna);
• акаўнт Free Belarus Women (ідэнтыфікатар www.threads.com/@freebelaruswomen);
• акаўнт Задзіночання беларускіх студэнтаў «ЗБС | BSA | zbsunion.org» (ідэнтыфікатар www.threads.com/@zbsunion).

У Рэспубліканскі спіс экстрэмісцкіх матэрыялаў трапіла і старонка Voice of Belarus у сацыяльнай сетцы X (ідэнтыфікатар https://www.x.com/belarusvoice). Яе змест 6 траўня 2026 года прызнаў «экстрэсмісцкім» суд Ленінскага раёна Брэста. Voice of Belarus — гэта медыяпраект Нямецка-беларускага таварыства Deutsch-belarus­sis­che gesellschaft e.V., створаны для распаўсюду навінаў пра беларускую грамадзянскую супольнасць.