У «экстрэмісцкі» спіс Мінінфарма ўключылі пяць TikTok-акаўнтаў з навінамі Брэстчыны

Міністэрства інфармацыі Беларусі 23 траўня ў чарговы раз папоўніла на сваім сайце Рэспубліканскі спіс экстрэмісцкіх матэрыялаў.

Фота: БАЖ

Туды ўключылі Tik­Tok-акаўнты, дзе ў відэафармаце размяшчаюцца навіны з розных рэгіёнаў Брэсцкай вобласці:

• акаўнт «Пояс Белавежы» (ідэнтыфікатар https://www/tiktok.com/@poyasbelavezy), які мае 5895 падпісчыкаў;
• акаўнт «Па першае, я з Пiнска» (ідэнтыфікатар  https://www/tiktok.com/@pinskby), 6520 падпісчыкаў;
• акаўнт «brest_region» (ідэнтыфікатар  https://www/tiktok.com/@brest_region), 4220 падпісчыкаў;
• акаўнт «Не Лунiнец, а Лунiнец» (ідэнтыфікатар https://www/tiktok.com/@luniniec), 5231 падпісчык;
• акаўнт «Яново» (ідэнтыфікатар https://www/tiktok.com/@ivanavaby) 3991 падпісчык.

Рашэнне прызнаць гэтыя інтэрнэт-рэсурсы «экстрэмісцкай інфармацыйнай прадукцыяй» 20 траўня 2026 года прыняў суд Ленінскага раёна Брэста.