Улады абвесцілі «экстрэмісцкімі матэрыяламі» сайт польскага інфармагенцтва РАР і Telegram-канал Ігара Лосіка

Міністэрства інфармацыі Беларусі 30 ліпеня ў чарговы раз папоўніла на сваім сайце Рэспубліканскі спіс экстрэмісцкіх матэрыялаў.

Скрыншот сайта польскага інфармагенцтва РАР

«Экстрэмісцкай інфармацыйнай прадукцыяй» быў прызнаны сайт польскага інфармацыйнага агенцтва PAP (Pol­s­ka Agenc­ja Pra­sowa) з ідэнтыфікатарам https://www.pap.pl. Адпаведнае рашэнне прыняў суд Горацкага раёна Магілёўскай вобласці 28 ліпеня 2026 года.

У спіс унеслі Insta­gram-суполку «Пошукі старога Гомеля» (ідэнтыфікатар https://www.instagram.com/stary_homel) і ў Telegram (ідэнтыфікатар https://t.me/stary_homel). Адпаведнае рашэнне прыняў суд Цэнтральнага раёна г. Гомеля 28 ліпеня 2026 года.

«Пошукі старога Гомеля» — праект, які некалькі гадоў таму пачыналі гомельскія незалежныя журналісты.

«Экстрэмісцкімі матэрыяламі» прызнаныя акаўнт «Swi­eta Nil­la» ў Threads (ідэнтыфікатар @nil_la) рашэннем суда Мінскага раёна Мінскай вобласці ад 23 ліпеня 2026 года, а таксама Telegram-каналы «Игорь Лосик» (ідэнтыфікатар http://t.me/igorlosik) і «Навальный LIVE» (ідэнтыфікатар http://t.me/navalnylivechannel) рашэннем суда Лоеўскага раёна Гомельскай вобласці ад 23 ліпеня 2026 года.

Распаўсюд матэрыялаў, прызнаных беларускімі ўладамі «экстрэмісцкімі», у ліку праз спасылкі, рэпосты, лайкі, цягне за сабой адказнасць паводле артыкула 19.11 Кодэкса аб адміністрацыйных парушэннях Рэспублікі Беларусь.