Больш за 175 журналістаў сталі ахвярамі злачынстваў РФ ва Украіне

У 2025 годзе расійскае войска працягвала пераслед украінскіх і замежных журналістаў, якія асвятляюць вайну. З 24 лютага 2022 года арганізацыя «Рэпарцёры без межаў» задакументавала больш за 175 выпадкаў, калі журналісты сталі ахвярамі злоўжыванняў пасля поўнамаштабнага ўварвання Расіі ва Украіну.

Выява: rsf.org

За чатыры гады паўнамаштабнага ўварвання Расіі ва Украіну, 16 журналістаў былі забітыя расійскімі ўзброенымі сіламі. Толькі ў 2025 годзе  ў выніку мэтанакіраваных удараў FPV-дронамі (невялікіх БПЛА, начыненых выбухоўкай і абсталяваных камерамі, якія перадаюць у рэальным часе малюнак
аператару) загінулі тры журналісты.

Летась гэтыя дроны сталі асноўнай крыніцай небяспекі для многіх рэпарцёраў. Расійскія войскі абстрэльваюць журналістаў як паблізу зоны вядзення баёў, так і ў населеных пунктах, якія знаходзяцца на аддаленні ад фронту. Часам — непасрэдна ў гасцініцах, дзе спыняліся медыйшчыкі. Па звестках RSF, не менш за 53 украінскіх і замежных прадстаўнікоў СМІ атрымалі раненні падчас працы над рэпартажамі.

Рэгіянальная менеджэрка па Украіне ў RSF Палін Мафрэ нагадала, што неабходна  забяспечыць абарону журналістаў падчас ваенных дзеянняў, каб яны маглі працягваць сваю інфармацыйную працу.

Табліца: rsf.org

«Замежныя і ўкраінскія журналісты, якія нястомна асвятляюць падзеі ва Украіне з 2022 года, нягледзячы на ​​вельмі няпростае становішча ў плане бяспекі, дэманструюць уражлівую смеласць.

Напады на іх з баку Расіі не слабеюць. За чатыры гады з пачатку поўнамаштабнага ўварвання, абапіраючыся на інфармацыю сабраную яе партнёрамі ва Украіне, у тым ліку Інстытутам масавай інфармацыі (ІМІ), RSF задакументавала больш за 175 выпадкаў журналістаў, якія сталі ахвярамі злачыннага гвалту з боку расійскіх сіл, якія падпадаюць пад вызначэнне ваенных злачынстваў», — падкрэсліла яна.

Захаваць выданне ля самага фронту і інфармаваць свет аб жыцці ў акупацыі — гісторыі нязломнасці ўкраінскіх журналістаў

26 украінскіх журналістаў па-ранейшаму знаходзяцца пад вартай на тэрыторыі РФ. 

З 24 лютага 2022 г., арганізацыя задакументавала 25 нападаў на вышкі тэлерадыёвяшчання з боку расійскіх узброеных сіл, як абстрэлаў, так і захопаў, для таго, каб перапыніць вяшчанне мясцовых незалежных СМІ, якія перадаюць дакладную інфармацыю. У 2025 г., RSF зафіксавала яшчэ два выпадкі ўдараў па тэлевежам у Дняпры, на паўднёвым усходзе, і ў Чарнігаве, на поўначы краіны. 

За час вайны 333 украінскіх СМІ спынілі працу, пацярпеўшы ў тым ліку ад абвалу рынку рэкламы і спынення фінансавання ад Агенцтва ЗША па міжнароднаму развіццю (USAID).