«Белсат» пераходзіць на новы спадарожнік
4 чэрвеня 2026
Беларуская асацыяцыя журналістаў
«Белсат TV» цяпер можна глядзець праз спадарожнікавы пакет Svoboda Satellite. «Для многіх беларусаў гэта значыць вельмі простую рэч: доступ да незалежнай інфармацыі без VPN, без абыходу блакіровак і без лішніх рызык. Гэта мае вялікае значэнне», — падкрэсліла галоўная рэдактарка тэлеканала Аліна Коўшык.
Праз сканчэнне тэрміна пагаднення аб трансляцыі з сярэдзіны жніўня «Белсат» пяройдзе з цяперашняга спадарожніка Astra на новы — Hot Bird. У Еўропе ён ахоплівае 18 мільёнаў хатніх гаспадарак.
Ужо з чэрвеня тэлеканалы «Белсат», «Вот Так» і «Слава» ўвайшлі ў бясплатны спадарожнікавы пакет Svoboda Satellite ад арганізацыі «Рэпарцёры без межаў». Гэты пакет транслюецца праз спадарожнік Hot Bird на пазіцыі 13E.
«Калі вы ўжо глядзіце нас праз спадарожнік, не хвалюйцеся — у большасці выпадкаў дастаткова будзе проста пераналадзіць абсталяванне. Калі ж толькі плануеце падключэнне, зрабіць гэта таксама нескладана і не надта дорага.
Добрая навіна яшчэ і ў тым, што Hot Bird пакрывае ўсю Беларусь, усю Еўропу і вялікую частку суседніх рэгіёнаў. Таму глядзець «Белсат» змогуць беларусы і дома, і за мяжой», — дадае спадарыня Коўшык.
Новыя параметры для прагляду праграм: Спадарожнік: Hot Bird 13.0 E Частата: 10 949 МГц Палярызацыя: вертыкальная SR: 27500 Ксім/с FEC: 2/3 Мадуляцыя: DVB‑S2/8PSK.
Падзяліцца навінамі ў сацыяльных сетках
Самыя важныя навіны і матэрыялы ў нашым Тэлеграм-канале — падпісвайцеся!
@bajmedia
@bajmedia
Больш матэрыялаў
ШI ў медыя — як разабрацца і чаго чакаць
03.06.2026
Рэктар ЕГУ Вілюс Шадаўскас: Дзіўна гэта казаць, але «экстрэмізм» цяпер дазваляе нам быць больш адкрытымі ў пэўных пытаннях
28.05.2026
Аліна Коўшык папярэдзіла пра фэйкавыя паведамленні, разасланыя махлярамі ад яе імя
13.05.2026
Журналіста Паўла Дабравольскага абвінавацілі ў «здрадзе дзяржаве»
18.10.2025
