Google пачала разгортваць пошукавых агентаў, якія манітораць інтэрнэт за вас 24/7

На травеньскай канферэнцыі I/O 2026 Google прадставіла пошукавых агентаў, якія працуюць у фонавым рэжыме кругласутачна. Цяпер кампанія пачала даваць доступ да першых такіх інфа-агентаў AI Mode для падпісчыкаў тарыфу AI Ultra, піша 9to5Google.

I’m per­son­al­ly excit­ed about the era of Search agents. You’ll be able to cre­ate, cus­tomize, and man­age mul­ti­ple AI agents for tasks, right in Search.

Start­ing with infor­ma­tion agents this sum­mer, you can ask Search to keep you updat­ed on top­ics you care about. Your agent will… pic.twitter.com/NqEU7Dft5b

— Rob­by Stein (@rmstein) May 19, 2026

Гэтыя агенты самастойна аналізуюць блогі, навіны, сацсеткі, а таксама фінансавыя, спартыўныя і гандлёвыя пляцоўкі з абнаўленнямі ў рэальным часе, каб адсочваць любыя змены па канкрэтным запыце карыстальніка. На выхадзе ён атрымлівае гатовае рэзюмэ і магчымасць адразу перайсці да дзеянняў.

Напрыклад, агенту можна задаць патрабаванні да арэнднай кватэры — і ён імгненна дашле апавяшчэнне, як толькі на рынку з’явіцца адпаведны варыянт. Або можна папрасіць паведаміць, калі нехта з вашых любімых спартсменаў анансуе новы мерч.

Галоўная фішка пошукавых агентаў — імгненная рэакцыя. Яны дасылаюць абнаўленні адразу, як толькі інфармацыя з’явілася ў сетцы.

Гэта робіць іх значна хутчэйшымі за звычайныя запланаваныя дзеянні ў дадатку Gem­i­ni, якія спрацоўваюць не часцей за раз на дзень, або ў Gem­i­ni Spark з інтэрвалам праверкі кожныя 15 хвілін.

Інфа-агенты ўжо даступныя падпісчыкам Google AI Ultra за $100 або $200 у месяц на ўсіх мовах і ва ўсіх краінах, дзе працуе AI Mode. Каб запусціць агента, дастаткова дадаць у промпт фразы накшталт «трымай мяне ў курсе наконт…» або «папярэдзь мяне, калі…». Да больш танных тарыфаў Google AI Pro пошукавыя агенты дойдуць ужо летам.