Беларускі расследавальніцкі цэнтр шукае журналіста-расследавальніка на стажыроўку

Беларускі расследавальніцкі цэнтр шукае журналіста-расследавальніка на стажыроўку з магчымасцю наступнага працаўладкавання.

Фота: Markus Win­kler / pexels.com

Абавязкі:

• удзел у падрыхтоўцы расследаванняў;
• OSINT-даследаванні і праца з адкрытымі крыніцамі;
• пошук і аналіз даных, у тым ліку ў спецыялізаваных базах;
• аналіз фінансавых і мытных дакументаў;
• пошук экспертаў і герояў, правядзенне інтэрв’ю;
• праца ў рэжыме шматзадачнасці;
• планаванне і прыярытэтнасць уласнага часу;
• адказны падыход да задач і дэдлайнаў.

Патрабаванні:

• досвед працы ў журналістыцы, перавагай будзе досвед у расследаваннях, стварэнні лонгрыдаў і аналітычных матэрыялаў;
• уменне працаваць з вялікім аб’ёмам даных;
• разуменне фінансавай і карпаратыўнай справаздачнасці;
• пісьменная вусная і пісьмовая мова (руская і беларуская мовы);
• веданне англійскай мовы на ўзроўні не ніжэй за B1;
• крытычнае мысленне;
• развітыя аналітычныя і даследчыцкія навыкі;
• цікавасць да тэматыкі расследавальніцкай журналістыкі і працы БРЦ;
• здольнасць хутка вучыцца.

Умовы:

• навучанне метадалогіі БРЦ па стварэнні расследаванняў, доступ да ўнутраных гайдаў і навучальных матэрыялаў, падтрымка рэдактараў;
• удзел у рэзанансных расследаваннях;
• магчымасць наступнага працаўладкавання па выніках стажыроўкі і падтрымка далейшага развіцця;
• навучанне і суправаджэнне па лічбавай бяспецы і абароне крыніц;
• стабільны заробак.

Як падаць заяўку

Калі вы хочаце займацца расследаваннямі, адпраўце на адрас yana@investigatebel.org

• рэзюмэ;
• прыклады работ;
• кароткі матывацыйны ліст (чаму хочаце працаваць у БРЦ, якія ў вас ёсць навыкі і досвед, карысныя для падрыхтоўкі расследаванняў, і якія навыкі вы хацелі б развіць).