Media Ethics Lab. Этыка ў рэальнай працы журналіста і рэдакцыі (рэгістрацыя — да 4 траўня)

Як працаваць, калі любы матэрыял можа нашкодзіць — крыніцам, рэдакцыі або вам асабіста? Як у рэальнасці, дзе ціск і рызыкі сталі нормай, балансаваць паміж бяспекай і правам грамадства на інфармацыю? Запрашаем журналістаў і журналістак, рэдактараў і рэдактарак — усіх, хто працуе з медыякантэнтам, на пяць практычных анлайн-модуляў Media Ethics Lab.

Што будзе

Кейс-чэленджы з рэальных практык беларускіх медыя;

Інтэрактыўныя сімуляцыі рэдакцыйных рашэнняў;

Дыскусіі пра дзеянні ў складаных сітуацыях.

Абмяркуем

Пошук балансу паміж правам грамадства на інфармацыю і бяспекай для журналістаў, крыніц і аўдыторыі.

Працу з ананімнымі крыніцамі, інсайдэрамі і ўразлівымі групамі.

Фактчэк і верыфікацыю ва ўмовах маніпуляцый і дэфіцыту дадзеных.

Канфлікты інтарэсаў і адказнасць за публікацыі.

Этычныя рызыкі і перавагі выкарыстання AI у рэдакцыйных працэсах.

Пасля Media Ethics Lab вы:

Зможаце ацэньваць рызыкі перад публікацыяй і прымаць больш узважаныя рашэнні;

Атрымаеце практычныя алгарытмы для этычных дылем;

Лепш зразумееце, як не губляць якасць пад ціскам хуткасці, лайкаў і ахопаў;

Навучыцеся выкарыстоўваць AI у рэдакцыі без шкоды для даверу аўдыторыі.

Сярод трэнераў:

Алег Агееў, намеснік старшыні Беларускай асацыяцыі журналістаў, юрыст;

Лола Бурыева, рэдактарка, медыяменеджарка БРЦ;

Дзяніс Васількоў, незалежны медыякансультант;

Ксенія Вязнікоўцева, журналістка-расследавальніца;

Зоя Хруцкая, журналістка і менеджарка, адна са стваральніц медыя PALATNO;

Аляксей Шота, медыятрэнер (Hrodna.life).

Дзе і калі

• 5 анлайн-модуляў (Zoom)
• серады, з 6 траўня па 3 чэрвеня 2026 года
• 17:00–19:30 (Варшава) / 18:00–20:30 (Мінск, Вільня)

Чакаем ад прысутных актыўнасці падчас разбору кейсаў і дыскусій.

Удзел бясплатны. Колькасць месцаў абмежаваная.

РЭГІСТРАЦЫЯ

Падавайцеся да 4 траўня 2026 года, 17:00 па Вільні.

Працоўныя мовы вэбінараў – беларуская і руская. 

Калі ў вас засталіся пытанні датычна курса, пішыце нам на office@baj.media.

Media Ethics Lab праводзіць Беларуская асацыяцыя журналістаў у партнёрстве з Фондам Фрыдрыха Эберта.