Стыпендыя для журналістаў на праекты пра роўнасць, правы чалавека і глабальныя выклікі (дэдлайн — 8 лістапада)

Канадскі Equal­i­ty Fund (Фонд роўнасці) адкрыў прыём заявак на першую праграму Equal­i­ty Fund Jour­nal­ism Fel­low­ship — стыпендыю для журналістаў, якія асвятляюць, як мясцовыя супольнасці адказваюць на глабальныя выклікі. Праграма надае асаблівую ўвагу гендарнай роўнасці. Арганізатары плануюць выбраць да пяці ўдзельнікаў, кожны з якіх атрымае 4000 канадскіх долараў.

Праграма закліканая дапамагчы журналістам расказваць пра мясцовыя рашэнні глабальных праблем, асабліва тых, што звязаныя з гендарнай роўнасцю. Сярод тэм — кліматычны крызіс, гендарны гвалт, аўтарытарызм, антыправавыя рухі, абмежаванне сэксуальных і рэпрадуктыўных правоў, эканамічная несправядлівасць, войны і канфлікты.

Што прапануюць

• 4000 канадскіх долараў — стыпендыя для кожнага ўдзельніка.
• Да 500 канадскіх долараў — дадатковы бюджэт на журналісцкія выдаткі, у тым ліку праверку фактаў, пераклад або інтэрпрэтацыю.
• Навучанне і прафесійныя кантакты.
• Штомесячныя анлайн-сустрэчы з журналістамі і экспертамі, майстар-класы, трэнінгі па бяспецы і адна вочная сустрэча з аплатай дарожных выдаткаў.

Праграма будзе доўжыцца са студзеня па чэрвень 2027 года, яшчэ тры месяцы адводзяцца на завяршэнне працы і публікацыю матэрыялу.

Хто можа ўдзельнічаць

Да ўдзелу запрашаюць журналістаў, якія жывуць і працуюць у краінах, што ўваходзяць у спіс атрымальнікаў афіцыйнай дапамогі ў развіцці (ODA) Арганізацыі эканамічнага супрацоўніцтва і развіцця (АЭСР).

Журналісты з Беларусі могуць падаваць заяўкі: Беларусь ёсць у спісе краін, якія адпавядаюць гэтаму крытэру.

Асноўныя патрабаванні да кандыдатаў:

• не менш за тры гады журналісцкага досведу;
• праца над гісторыямі пра ўласную супольнасць або рэгіён;
• свабоднае валоданне англійскай мовай — пісьмовай і вуснай;
• тры прыклады ранейшых журналісцкіх матэрыялаў;
• магчымасць удзельнічаць у анлайн-сустрэчах у дзённы час па ўсходнім часе Паўночнай Амерыкі.

Удзельнікі павінны будуць падрыхтаваць журналісцкі матэрыял. Гэта могуць быць артыкулы, інтэрв’ю, падкасты, відэа і іншыя лічбавыя фарматы. 

Дэдлайн падачы заявак — 8 лістапада 2026 года.

ПАДРАБЯЗНАСЦІ І РЭГІСТРАЦЫЯ