Медыякэмп «Кропкі сувязі»: сустрэча беларускай медыясупольнасці пад Вільняй (рэгістрацыя да 10 жніўня)

БАЖ запрашае калег і каляжанак з беларускай медыясупольнасці на Медыякэмп «Кропкі сувязі» — аднадзённую нефармальную сустрэчу для знаёмстваў, аднаўлення сувязяў, абмену досведам і новых ідэй.

21 жніўня 2026 года сустрэнемся ва ўтульнай сядзібе пад Вільняй, каб выдыхнуць, пагутарыць, паэксперыментаваць і знайсці разам тое, на чым трымаемся.

Што вас чакае?

• Бінга «Знайдзі сваіх»
• Медыяэкспедыцыя — камандныя прыгоды з місіямі, нечаканымі адкрыццямі і стварэннем мапы новых сувязяў у нашай супольнасці
• Пераналадка — квэст пра новыя рэаліі ў эміграцыі і тое, што дапамагае нам рухацца далей
• Майстар-клас па калажы «Як распавядаць гісторыі без словаў» — разам створым візуалы ў знак салідарнасці з калегамі і каляжанкамі, якія ўтрымліваюцца ў зняволенні
• Нефармальная камунікацыя: вечаровае вогнішча і выдатная атмасфера.

Калі: 21 жніўня (пятніца) 2026 года.

 Месца: аграсядзіба пад Вільняй (Літва). Будзе арганізаваны сумесны даезд з Вільні.

Удзел бясплатны.

РЭГІСТРАЦЫЯ  

Калі ласка, запоўніце форму рэгістрацыі не пазней 10:00 панядзелак, 10 жніўня (гэта зойме каля 2 хвілін).

Арганізатары кампенсуюць удзельнікам і ўдзельніцам з іншых краінаў праезд наземным транспартам да/з Вільні і пражыванне на адну ноч. Але колькасць такіх месцаў абмежаваная. Падчас адбору перавага будзе ў тых, хто зарэгіструецца раней.