Міжнародны фестываль дакументальнага кіно Artdocfest/Riga (дэдлайн — 15 снежня)

VI Міжнародны фестываль дакументальнага кіно Artdocfest/Riga пройдзе ў Рызе з 1 па 8 сакавіка 2026 года.

Падчас фестывалю адбудуцца публічныя дыскусіі, сімпозіум дакументальнага кіно, пітчынг, абмеркаванне фільмаў з аўтарамі і публікай.

У рамках Artdocfest/Riga арганізуецца два конкурсы:

Конкурсная секцыя «Балтыйскі фокус»

• Разглядаюцца фільмы, створаныя ў краінах Балтыйскага рэгіёну: Эстонія, Данія, Фінляндыя, Германія, Латвія, Літва, Польшча, Расія (апроч фільмаў, фінансаваных расійскім урадам і афіляванымі кампаніямі), Швецыя.

Конкурсная секцыя «Art­docfest-Open»

• Прымаюцца заяўкі з усяго свету, з акцэнтам на дакументальнае кіно і працэсы ва Усходняй Еўропе і Цэнтральнай Азіі.

Да ўдзелу ў конкурсе дапускаюцца стужкі, якія маюць статус прэм’еры для Латвіі. Працягласць — да 180 хвілін. Фільмы павінны быць прадстаўлены на мове арыгіналу, з англійскімі субтытрамі.  

Дэдлайн падачы заявак — 15 снежня 2025 года.

ПАДРАБЯЗНАСЦІ І РЭГІСТРАЦЫЯ