Гранты на праект для фатографак Women Photograph Grants (дэдлайн — 30 чэрвеня)
24 чэрвеня 2026
Падавацца могуць жанчыны, небінарныя, трансгендарныя і інтэрсэксуальныя фатографкі-дакументалісткі з любой краіны.
Фота: Alexander Mass / pexels.com
Праграма Women Photograph Grants прапануе грант у памеры 10 000 долараў ЗША на стварэнне новага або развіццё ўжо распачатага дакументальнага фотапраекта.
Сродкі можна выкарыстаць на выдаткі для рэпартажнай працы, ганарар фатографа/фатографкі і іншыя патрэбы, якія дапамогуць стварыць новую візуальную гісторыю.
Дазволена толькі адна заяўка на конкурс ад удзельніцы. Усяго будзе размеркавана тры гранты па 10 000 долараў.
Заяўка павінна быць пададзена на англійскай мове. Можна дадаваць спасылкі на відэа/мультымедыйныя кампаненты ў апісанне праекта, але заяўка павінна быць заснавана на фатаграфіі.
Любое выкарыстанне генератыўнага штучнага інтэлекту павінна быць выразна раскрыта.
Дэдлайн падачы заявак — 30 чэрвеня 2026 года.
ПАДРАБЯЗНАСЦІ І РЭГІСТРАЦЫЯ
Women Photograph — гэта некамерцыйная арганізацыя, створаная ў 2017 годзе для таго, каб пашырыць галасы жанчын і небінарных візуальных журналістаў.
@bajmedia
У «экстрэмісцкі» спіс Мінінфарм унёс TikTok-акаўнт «Гомель и область — новости»
05.06.2026
За якія відэа ў сацсетках могуць прыцягнуць да адказнасці? Размова не пра пратэсныя ролікі
18.05.2026
«Антонімы зла — свабода і любоў». Аляксандар Лукашук у Вільні прэзентаваў кнігу вершаў і тэкстаў пра літаратуру
22.05.2026
Meta адключыла тэхналогію прыватнасці ў Instagram
11.05.2026
