«Экстрэмісцкі» спіс Мінінфарма: акаўнты журналістаў, стыкер-пакі медыяпраектаў, інстаграм «Полацкiя Лабiрынты»

Міністэрства інфармацыі Беларусі 29 чэрвеня чарговы раз папоўніла на сваім сайце Рэспубліканскі спіс экстрэмісцкіх матэрыялаў.

Стыкерпак Bel­sat

У яго ўключылі акаўнт у Face­book з назвай Pavel Marinich (ідэнтыфікатар  https://facebook.com/pavel.marinich), які належыць кіраўніку праекта «Маланка Медыя», медыяменеджэру Паўлу Марынічу. Рашэнне лічыць гэты інтэрнэт-рэсурс «экстрэмісцкай інфармацыйнай прадукцыяй» прыняў 22 чэрвеня 2026 года суд Кіраўскага раёна Магілёўскай вобласці.

У «экстрэмісцкі» спіс Мінінфарма ўключылі і акаўнт у Face­book з назвай Katarzy­na Jerusal­im­ska­ja (ідэнтыфікатар https://www.facebook.com/katarzyna.jerusalimskaja). Гэта старонка Кацярыны Ерусалімскай, тэлевядоўцы і журналісткі праекта «Маланка Медыя». «Экстрэмісцкім» змест гэтага акаўнта 23 чэрвеня 2026 года прызнаў суд Глускага раёна Магілёўскай вобласці.

У той самы дзень суд Глускага раёна Магілёўскай вобласці прызнаў «экстрэмісцкай інфармацыйнай прадукцыяй» акаўнт у Face­book з назвай Anton Motolko (ідэнтыфікатар https://www.facebook.com/AntonMotolko). Гэтую старонку вядомага беларускага фатографа і блогера таксама ўнеслі ў Рэспубліканскі спіс экстрэмісцкіх матэрыялаў.

Рашэннем таго ж суда ад 23 чэрвеня 2026 года «экстрэмісцкім» прызнаны змест Face­book-акаўнта «Палiтвязнi Беларусi» (ідэнтыфікатар https://www.facebook.com/politviazniby).

У адпаведнасці з рашэннем суда Партызанскага раёна Мінска ад 24 чэрвеня 2026 года «экстрэмісцкай інфармацыйнай прадукцыяй»  прызнаны адразу 60 стыкерпакаў для Telegram. У тым ліку стыкерпакі
— «Беларусь головного мозга» (ідэнтыфікатар https://t.me/addstickers/belamova);
— Bel­sat (ідэнтыфікатар https://t.me/addstickers/Belsat);
— «Чай з малиновым варэннем» (ідэнтыфікатар https://t.me/addstickers/belteanews);
 — NEXTA (ідэнтыфікатар https://t.me/addstickers/NEXTA_stickers);

 — @tut_bay (ідэнтыфікатар https://t.me/addstickers/tut_bay).

«Экстрэмісцкай інфармацыйнай прадукцыяй» прызнаны і Insta­gram- акаўнт polackija_labirynty выдавецтва «Полацкiя Лабiрынты» (ідэнтыфікатар https://www.instagram.com/polackija_labirynty). Гэта незалежнае беларускае выдавецтва, якое пасля вымушанай рэлакацыі дзейнічае ў Польшчы і спецыялізуецца на выданні мастацкай, гістарычнай і грамадска-палітычнай літаратуры на беларускай мове. Адпаведнае рашэнне 19 чэрвеня 2026 года прыняў суд Горацкага раёна Магілёўскай вобласці.