З сайта «Гомельскай праўды» прыбралі беларускую мову

Пасля абнаўлення сайту дзяржаўнай праўладнай газеты «Гомельская праўда» на ім знікла магчымасць чытаць матэрыялы на беларускай мове, піша Home­l­days.

Зараз на сайце «Гомельскай праўды» беларуская мова ўвогуле не прадугледжана, нават няма магчымасці пераключыцца на аўтаматычны пераклад. Засталася толькі невялікая колькасць матэрыялаў на беларускай мове з мінулых часоў. Апошні такі тэкст быў выдадзены два месяцы таму, адзначае Home­l­days.

Абнаўленне інтэрнэт-версіі «Гомельскай праўды» можа быць звязана з тым, што раней сайт некалькі разоў паспяхова атакавалі Кіберпартызаны. Пасля гэтых узломаў праўладнае медыя не працавала працяглы час, абнаўляючыся праз тэлеграм-канал.

Сколько тратят из бюджета на пропаганду гомельские идеологи: сумма впечатляет