Журналістка Кацярына Пытлева: «Рак вярнуўся. Метастазы ў пазваночніку»

Пра гэта журналістка Кацярына Пытлева паведаміла на сваёй старонцы ў Face­book. Да гэтага жанчына тры гады знаходзілася ў рэмісіі.

Каця Пытлева. Фота: з асабістага архіва гераіні

Як распавяла спадарыня Кацярына, увесь гэты час яна я праходзіла кантрольныя абследаванні раз на год ці крыху часцей, плюс прымала гарманальную тэрапію. Сёлета яна папрасіла зрабіць дадатковае абследаванне на анкамаркеры. Яго вынікі аказаліся павышанымі.

«Мяне накіравалі на КТ (камп’ютарную тамаграфію — БАЖ). Яна паказала падазронае ўтварэнне ў пазванку. Потым я вельмі доўга чакала пазітронна-эмісійную тамаграфію — гэта вельмі рэдкае і дарагое даследаванне з выкарыстаннем радыеактыўных прэпаратаў.

І вось яно паказала, што метастаз ёсць, і, на жаль, не адзін. Усе — у пазваночніку і адной косці».